جامبىل وبلىسىندا "قايتىس بولدى" دەپ تٸركەلگەن 73 جاستاعى زەينەتكەر ەيەل امان-ەسەن تابىلدى. سوت شەشٸمٸمەن ونىڭ ٶلٸمٸ تۋرالى اكت جازباسى جويىلىپ, بەرٸلگەن كۋەلٸك جارامسىز دەپ تانىلدى, دەپ حابارلايدى Dalanews.kz.
بەلگٸلٸ بولعانداي, ەيەل 2024 جىلدىڭ تامىزىندا تارازداعى ەپكەسٸنٸڭ ٷيٸنە كەتكەن. بٸراز ۋاقىت حابارسىز قالعان سوڭ تۋىستارى پوليتسيياعا ونىڭ جوعالعانى تۋرالى ارىز تٷسٸرگەن. سول جىلى اۋىل ماڭىنداعى ٶرٸستەن تابىلعان بەلگٸسٸز ادامنىڭ مەيٸتٸن قىزى مەن نەمەرەسٸ جوعالعان ەيەل دەپ تانىپ, ٶلٸمٸ رەسمي تٸركەلگەن.
الايدا 2025 جىلدىڭ قىركٷيەگٸندە زەينەتكەر جامبىل اۋدانى قوستٶبە اۋىلىنداعى اعاسىنىڭ ٷيٸنە امان-ەسەن ورالعان. ول قۇربان ايتتان كەيٸن ايشا بيبٸ اۋىلىنا بارىپ, پيياز جيناۋ جۇمىسىنا ورنالاسقانىن ايتقان. زەينەتاقىسى توقتاپ قالعان سوڭ تارازعا كەلگەندە ٶزٸنٸڭ "قايتىس بولعانىن" بٸلگەن.
سوتتا تابىلعان مەيٸتتٸڭ باسقا ادامعا تيەسٸلٸ ەكەنٸ انىقتالىپ, قايتا ساراپتاما جٷرگٸزٸلدٸ. نەتيجەسٸندە ٶلٸم تۋرالى جازبا كٷشٸن جويىپ, زەينەتكەردٸڭ قۇقىقتىق مەرتەبەسٸ تولىق قالپىنا كەلتٸرٸلدٸ.
