جامبىل وبلىسىنىڭ سارىكەمەر اۋىلىندا حالىق قاراجاتىنا سالىنعان جاڭا كوپپاتەرلى ۇيلەردىڭ ساپاسىنا تۇرعىندار نارازى. بيىل اقپان ايىندا اۋىلدا 120 پاتەرلى ەكى ءۇي پايدالانۋعا بەرىلگەن. الايدا ءبىر جىلدىڭ ىشىندە ۇيلەردە اقاۋلار پايدا بولعان، دەپ حابارلايدى Dalanews.kz “جەتىنشى ارناعا” سىلتەمە جاساپ.

جاڭا ۇيلەردىڭ قابىرعالارىندا جارىقتار پايدا بولىپ، ارلەۋ جۇمىستارى سىرعىپ ءتۇسىپ جاتىر. ورتالىق جىلۋ جۇيەسى تۇراقسىز جۇمىس ىستەيدى. پاتەرلەر سۋىق. تۇرعىندار ماسەلەلەردىڭ نەگىزگى سەبەبى ۇيلەردىڭ قىستا سالىنىپ، تولىق قۇرعاتىلماۋىندا دەپ سانايدى.

سونىمەن قاتار كوپپاتەرلى ۇيلەرگە ورتالىق كاناليزاسيا سالىنباعان. ونىڭ ورنىنا ورناتىلعان سەپتيكتەر ۇنەمى تولىپ، جاعىمسىز ءيىس شىعارادى.

اكىمدىك وكىلدەرى تۇرعىندارعا بارلىق كەمشىلىك مەردىگەر كومپانيا تاراپىنان كەپىلدىك بويىنشا تۇزەتىلۋىن ايتتى.

“اۋداندىق كاناليزاسيانى جۇرگىزۋ ءۇشىن جوبالىق-سمەتالىق قۇجاتتاما ازىرلەنىپ جاتىر. ەگەر ول بيىل اياقتالسا، قارجىلاندىرۋ كەلەسى جىلى جۇرگىزىلىپ، ۇيلەر ورتالىق جەلىگە قوسىلادى. ال قازىرگى ۋاقىتتا سەپتيكتەردى تازالاۋ جۇمىستارى جۇرگىزىلىپ جاتىر”، – دەدى اۋداندىق تۇرعىن ۇي-كوممۋنالدىق شارۋاشىلىق ءبولىمىنىڭ باسشىسى دۇرەنبەك ماديشوۆ.

تۇرعىندار مەن بيلىك اراسىندا تۋىنداعان جاعداي تۇرعىن ۇيلەردى سالۋداعى تەحنيكالىق قاداعالاۋدىڭ ماڭىزدىلىعىن تاعى ءبىر رەت كورسەتىپ وتىر.