“جاعا ۇستاتارلىق ستاتيستيكا”. ەدٸلوۆ اۋىر قىلمىس جيٸ تٸركەلەتٸن ورىنداردى اتادى

ٸشكٸ ٸستەر ۆيتسە-مينيسترٸ سانجار ەدٸلوۆ ەلدەگٸ اۋىر قىلمىستىڭ باسىم بٶلٸگٸ قانداي ورىنداردا جاسالاتىنىن مەلٸمدەدٸ, دەپ حابارلايدى Dalanews.kz.

“قازاقستاندا كٸسٸ ٶلتٸرۋدٸڭ جارتىسى, زورلاۋ مەن بۇزاقىلىقتىڭ ٷشتەن بٸرٸ, سونداي-اق توناۋ مەن جول اپاتتارىنىڭ تٶرتتەن بٸرٸ ماس ادامنىڭ قاتىسۋىمەن بولادى. جالپى قىلمىستاردىڭ التىدان بٸرٸ تٷنگٸ ۋاقىتتا جاسالادى. وسىعان بايلانىستى 1 048 فاكتٸ تٸركەلگەن”, — دەدٸ ۆيتسە-مينيستر.

ەدٸلوۆتٸڭ سٶزٸنشە, بيىل كٶڭٸل كٶتەرۋ ورىندارىنا شاعىمدانۋشىلار سانى 42 مىڭنان اسقان.

“جىل باسىنان بەرٸ 1 749 قىلمىستىق ٸس قوزعالدى. ولاردىڭ قاتارىندا — 10 كٸسٸ ٶلتٸرۋ, 579 دەنە جاراقاتىن سالۋ, سەگٸز زورلاۋ, 26 توناۋ جەنە 238 بۇزاقىلىق دەرەگٸ بار. استانادا جاعداي كٷردەلٸ: 171 ويىن-ساۋىق ورنىندا 357 قىلمىس تٸركەلگەن. كٶپشٸلٸگٸ تٷن ورتاسىندا نەمەسە تاڭ اتا جاسالعان. بٸرنەشە نىساندا قۇقىق بۇزۋشىلىقتاردىڭ جيٸ قايتالانۋى دا الاڭداتىپ وتىر”, — دەدٸ ول.

ونىڭ ايتۋىنشا, الماتىداعى كٶرسەتكٸش تە وڭىپ تۇرعان جوق. قالادا مۇنداي ورىندارعا قاتىستى 3 588 شاقىرۋ تٷسٸپ, 14-تەن اسا ادام ٶلتٸرۋ دەرەگٸ تٸركەلگەن.

ەدٸلوۆ تٷنگٸ ۋاقىتتا الكوگولدٸ شەكتەۋ مەسەلەسٸ قايتا قارالۋى تيٸس ەكەنٸن ايتا وتىرىپ, جاقىندا بولعان اۋىر قىلمىسقا توقتالدى.

“18 قاراشادا 16 جاستاعى جاسٶسپٸرٸمدەر جالدامالى پەتەردە ٸشٸمدٸك ٸشكەن. سالدارىنان 16 جاستاعى قىزدى اياۋسىز زورلاپ, اجال قۇشتىرعان”, — دەدٸ ول.