ەلەۋمەتتٸك جەلٸلەردە تٷرلٸ پٸكٸرلەر مەن نەگٸزسٸز ايىپتاۋلارعا تاپ بولعان ۇقشۇ تٶراعاسى يمانعالي تاسماعامبەتوۆ قوعامعا العاش رەت اشىق مەلٸمدەمە جاساپ, ۇستانىمى مەن ٶمٸرلٸك قاعيدالارىن جەتكٸزدٸ دەپ حابارلايدى Dalanews.kz.
سوڭعى كەزدە كەيبٸر قولدانۋشىلار ونىڭ ۇقشۇ-داعى قىزمەتٸ مەن ەلگە دەگەن ادالدىعىنا كٷمەن كەلتٸرٸپ, تٸپتٸ "رەسەيشٸل", "ساتقىن" دەپ تە ايىپتاعان ەدٸ.
تاسماعامبەتوۆ وسىعان قاتىستى پٸكٸرٸن سابىرمەن جەتكٸزٸپ, «اقتىڭ وتىن اقىماق ٶشٸرە المايدى», – دەدٸ.
ونىڭ سٶزٸنشە, اقيقات تەك كٶزگە كٶرٸنەتٸن دٷنيە ەمەس, ول جٷرەكپەن سەزٸلٸپ, اردىڭ تارازىسىنا سالىنادى. قوعام قايراتكەرٸ ەلەۋمەتتٸك جەلٸنٸڭ جاۋاپسىزدىق پەن جالعان اقپاراتتىڭ تەز تاراۋىنا جول اشاتىنىن مويىنداي وتىرىپ, ازاماتتاردى ار الدىنداعى جاۋاپكەرشٸلٸكتٸ ۇمىتپاۋعا شاقىردى.
«مەن – تۋعان ەلدٸڭ پەرزەنتٸمٸن», – دەگەن يمانعالي نۇرعاليۇلى ٶز مەلٸمدەمەسٸندە اتىراۋدىڭ كيەلٸ توپىراعىندا دٷنيەگە كەلٸپ, قازاقى تەربيە كٶرگەنٸن, ەل مەن جەر الدىنداعى اماناتقا ادال بولۋدى ٶمٸرلٸك ۇستانىمى ەتكەنٸن ەرەكشە اتاپ ٶتتٸ.
ول ۇقشۇ-داعى قىزمەتٸن دە قازاقستاننىڭ قاۋٸپسٸزدٸگٸ مەن ەل مٷددەسٸن قورعاۋعا ارناعانىن ايتىپ, ەل ٷشٸن كەز كەلگەن سىناققا تٶزۋ – ٶزٸنە مەرتەبە ەكەنٸن جەتكٸزدٸ.
"كەيبٸر باقىتسىز جاندار مەنٸ "رەسەيشٸل", "ورىسشىل" دەپ قارالاپ جٷر. كەلٸسسٶزدٸڭ كٷشٸ ەمەس, زىمىراننىڭ مىسى باسىپ تۇرعان زاماندا, ودكب-عا تۋعان ەلٸمنٸڭ اتىنان بارىپ, مەملەكەتتٸڭ مٷددەسٸ ٷشٸن وت پەن سۋعا تٷسكەنٸم ٷشٸن ساتقىن بولعانىم با?.. قادٸرٸمدٸ بٸلمەگەندەردٸڭ اراسىندا ەڭسەمدٸ تٷسٸرگٸم كەلمەيدٸ", - دەيدٸ ساياساتكەر.
"جالعان سٶز – جارا, ال ار – شىندىقتىڭ قالقانى", – دەگەن ول قوعامدى جەلٸدە تاراعان كەز كەلگەن اقپاراتقا سىن كٶزبەن قاراۋعا شاقىردى. ەبٸش كەكٸلباەۆتىڭ «ارلى ادام – ەڭ كٷشتٸ ادام» دەگەن سٶزٸن مىسالعا كەلتٸرٸپ, ازاماتتىق ۇستانىم مەن ادالدىقتى بەرٸنەن بيٸك قويدى.
تاسماعامبەتوۆ سونىمەن قاتار قازٸرگٸ كٷردەلٸ گەوساياسي جاعدايدا ۇلت بٸرلٸگٸ مەن رۋحاني تەۋەلسٸزدٸكتٸڭ ماڭىزىنا ەرەكشە توقتالىپ, ٶز ۇلتىنا قارسى ەرەكەتتٸ قانىپەزەرلٸك, ال بٶگدەنٸڭ سويىلىن سوعۋدى سوقىرلىق دەپ باعالادى.
ايتۋىنشا, ۋكراينا مەن رەسەيدٸڭ اراسىنداعى قانتٶگٸستە جەڭٸمپاز بولمايدى. بەرٸ دە جەڭٸلەدٸ. مۇنداي جاعدايدا بٸرەۋدٸڭ سويىلىن سوعۋ ناعىز سوقىرلىق. ال ٶز ۇلتىنا سوعىس تٸلەۋ ناعىز قانٸپەزەرلٸك.
قازٸر شەتەلدە قىزمەت ەتٸپ جٷرسە دە, ويى مەن جٷرەگٸ ەردايىم قازاقستانمەن بٸرگە ەكەنٸن ايتقان قايراتكەر, ەلدٸڭ ەر جەتٸستٸگٸن ٶزٸنٸڭ جەڭٸسٸندەي قابىلدايتىنىن ايتتى. ول قىزمەت بارىسىندا ەشقاشان ۇياتقا قالدىرار ەرەكەتكە بارماعانىن ايتىپ, حالىق الدىندا دا, ار الدىندا دا جٷزٸ اشىق ەكەنٸن جەتكٸزدٸ.
تاسماعامبەتوۆتٸڭ بۇل ٷندەۋٸ قوعامدى سابىرلىققا, اۋىزبٸرشٸلٸك پەن پاراساتقا شاقىرعان مەندٸ مەلٸمدەمە بولدى. مەلٸمدەمەسٸن قاسيەتتٸ ورازا ايت مەرەكەسٸمەن قۇتتىقتاۋمەن اياقتاپ, حالىققا بٸرلٸك پەن بەرەكە تٸلەدٸ.
