ىزدەۋدە جۇرگەن اقتاۋ اكىمىنىڭ بۇرىنعى ورىنباسارى تيمۋر ءسادۋاقاسوۆ ۇستالدى، دەپ حابارلايدى Dalanews.kz. 

مەملەكەتارالىق ىزدەۋدە جۇرگەن سادۆاقاسوۆ تيمۋر سوتتان جاسىرىنباق بولعان كەزدە ۇستالدى.

قارجىلىق مونيتورينگ اگەنتتىگى حابارلاعانداي، سادۆاقاسوۆ تيمۋر حابدۋللايەۆيچ مەملەكەتتىك شەكارانى زاڭسىز كەسىپ ءوتۋ كەزىندە وزبەكستان رەسپۋبليكاسىنىڭ شەكارا قىزمەتى تاراپىنان ۇستالدى.

وعان قاتىستى وزبەكستان رەسپۋبليكاسىنا زاڭسىز كىرۋ فاكتىسى بويىنشا قىلمىستىق ءىس قوزعالدى. بار مالىمەتكە سايكەس، سادۆاقاسوۆ تيمۋر تەرگەۋ يزولياتورىنا قاماۋعا الىنعان.

قازىرگى ۋاقىتتا ونى وزبەكستان رەسپۋبليكاسىنان ەكستراديسيالاۋ ماسەلەسى بويىنشا باس پروكۋراتۋرامەن بىرلەسىپ ءتيىستى ماتەريالدار دايىندالۋدا.

ەسكە سالا كەتەيىك، سادۆاقاسوۆ تيمۋرعا الاياقتىق جانە اسا ءىرى كولەمدە پارا بەرۋگە يتەرمەلەۋ بويىنشا ايىپ تاعىلعان.

ەسكە سالساق، 2023 جىلى شىلدە ايىندا سادۆاقاسوۆ ت.ح. جانە «وبۋحوۆسكوە» كەن ورنىندا زاڭسىز پايدالى قازبالار ءوندىرۋ ىسىنە قاتىستى ادۆوكات – كۋرمانبايەۆ س.ن. لاۋازىمدى تۇلعالار اراسىنداعى بايلانىستارىن پايدالانا وتىرىپ، دولگاليەۆ ۆ.ي-قا كاسىپتەگى سەرىكتەستەرىنە قارسى قىلمىستىق ءىس قوزعاۋدى ۇسىنعان.

الدىن-الا كەلىسىم بويىنشا پارانىڭ ءبىرىنشى بولىگى رەتىندە 90 ملن تەڭگە العان سادۆاقاسوۆ پەن كۋرمانبايەۆ بۇل قاراجاتتى وزدەرى يەمدەنىپ، ۋادە ەتىلگەن مىندەتتەمەلەرىن ورىنداماعان.

قىلمىستىق ءىس پاۆلودار وبلىسىنىڭ مامانداندىرىلعان اۋدانارالىق قىلمىستىق ىستەر جونىندەگى سوتىنا قايتا قاراۋعا جولداندى.