Izdeýde júrgen Aqtaý ákiminiń burynǵy orynbasary Timýr Sádýaqasov ustaldy, dep habarlaidy Dalanews.kz.
Memleketaralyq izdeýde júrgen Sadvaqasov Timýr sottan jasyrynbaq bolǵan kezde ustaldy.
Qarjylyq monitoring agenttigi habarlaǵandai, Sadvaqasov Timýr Habdýllaevich memlekettik shekarany zańsyz kesip ótý kezinde Ózbekstan Respýblikasynyń shekara qyzmeti tarapynan ustaldy.
Oǵan qatysty Ózbekstan Respýblikasyna zańsyz kirý faktisi boiynsha qylmystyq is qozǵaldy. Bar málimetke sáikes, Sadvaqasov Timýr tergeý izoliatoryna qamaýǵa alynǵan.
Qazirgi ýaqytta ony Ózbekstan Respýblikasynan ekstraditsiialaý máselesi boiynsha Bas prokýratýramen birlesip tiisti materialdar daiyndalýda.
Eske sala keteiik, Sadvaqasov Timýrǵa alaiaqtyq jáne asa iri kólemde para berýge itermeleý boiynsha aiyp taǵylǵan.
Eske salsaq, 2023 jyly shilde aiynda Sadvaqasov T.H. jáne «Obýhovskoe» ken ornynda zańsyz paidaly qazbalar óndirý isine qatysty advokat – Kýrmanbaev S.N. laýazymdy tulǵalar arasyndaǵy bailanystaryn paidalana otyryp, Dolgalev V.I-qa kásiptegi seriktesterine qarsy qylmystyq is qozǵaýdy usynǵan.
Aldyn-ala kelisim boiynsha paranyń birinshi bóligi retinde 90 mln teńge alǵan Sadvaqasov pen Kýrmanbaev bul qarajatty ózderi iemdenip, ýáde etilgen mindettemelerin oryndamaǵan.
Qylmystyq is Pavlodar oblysynyń mamandandyrylǵan aýdanaralyq qylmystyq ister jónindegi sotyna qaita qaraýǵa joldandy.
