حالىق قارسىلىق بٸلدٸرگەننەن كەيٸن ەۋە شارلارى فەستيۆالٸنە قاتىستى مەسەلە بٸراز ۋاقىتقا دەيٸن تىنىشتالىپ قالعان-دى.
سول كەزدە جۇرت ەۋە شارلارى فەستيۆالٸن مەملەكەت قارجىسىنا ٶتكٸزۋدٸڭ قانشالىقتى قاجەتٸ بار ەكەنٸن ايتىپ, بۇل مەسەلەنٸ ٶتكٸر تالقىلاعانى ەسٸمٸزدە.
ال ەكٸمدٸك قىزمەتكەرلەرٸ بولسا, فەستيۆال ٶڭٸردەگٸ تۋريزمنٸڭ دامۋىنا سەرپٸن بەرتٸنٸن, 30 مىڭنان استام ادامنىڭ باسىن قوساتىنىن ايتىپ اقتالعان ەدٸ.
جيىن-توي ٶتكٸزۋدە الدىنا جان سالمايتىن شەندٸلەر وسىلايشا بٸر فەستيۆالمەن وبلىستاعى تۋريزمدٸ دامىتىپ جٸبەرۋدٸ كٶزدەگەن-دٸ (فەستيۆال ٶتكٸزٸپ, تۋريزمنٸڭ دامىپ كەتكەنٸن ەستٸسەك, قۇلاعىمىز كەرەڭ بولسىن!).
بٸراق الماتى وبلىسى ەكٸمدٸگٸ و باستاعى ويىنان ەلٸ باس تارتپاعانى بەلگەلٸ بولدى.
الماتى وبلىسى ەكٸمٸ مارات سۇلتاعازيەۆ باستاعان شەندٸلەر فەستيۆالدٸ بيۋدجەت قارىسىنا ەمەس, ٶڭٸردەگٸ كەسٸپكەرلەردٸڭ قولداۋىمەن ٶتكٸزۋدٸڭ امالان تاۋىپتى.
سوندا بيۋدجەت قارجىسىن جيىن-تويعا شاشاۋعا بولامايدى, ال كەسٸپكەرلەردٸڭ جينالعان قارجىنى وڭدى-سولدى شاشا بەرۋگە بولاتىن بولدى عوي. قىزىق. اقىلعا قونبايتىن اقتالۋ عوي.
ايتپاقشى, ەكٸمدٸك «مىڭ بوياۋلى اسپان» دەگەن اتاۋعا يە بولعان ەۋە شارلارى فەستيۆالٸن قوناەۆ قالاسىندا شٸلدە ايىندا جوسپارلاپ وتىرسا كەرەك. شاراعا دٷنيەجٷزٸنٸڭ بٸرنەشە ەۋە شارلارىن ۇشىراتىن كوماندا قاتىسىپ, الماتى وبلىسىنىڭ اسپانىنان 25 ديريجابلدٸ كٶتەرمەكشٸ.
ايتقانىنان قايتپايتىن ەكٸمدٸك ٶڭٸردەگٸ كەسٸپكەرلەردٸڭ قولداۋىمەن وسى ٸس-شارانى ٶتكٸزۋگە تاس-تٷيٸن بەكٸنگەن سىڭايلى. ەندٸ حالىق قانشا تالقىلاپ, سىناسا دا ەكٸمدٸك رايىنان قايتپاۋى مٷمكٸن. بۇل ٸسكە توقاەۆ ارالاسپاسا, «حالىق سٶزٸن قۇلاق استاتىن» (سونداي تۇجىرىمداما بار ەمەس پە ەدٸ?) ەكٸمدٸكتٸ بايقامادىق. ٶيتكەنٸ شارانى كەسٸپكەرلەردٸڭ قولداۋىمەن ٶتكٸزەدٸ. ەكٸمدٸكتٸڭ ارگۋمەنتٸ تاستاي.
ايتپاقشى, فەستيۆالدٸ ٶتكٸزۋگە قاجەتتٸ 183 ملن تەڭگەنٸ كەسٸپكەرلەر دە جيناپ بەرۋگە اسىعىپ وتىرسا كەرەك...
ەڭ باستىسى شەندٸلەر «مىڭ بويااۋلى اسپان» فەستيۆالٸ الماتى وبلىسىنىڭ تۋريستٸك ەلەۋەتٸن ەلەمگە تانىتىپ, دٷنيەجٷزٸ تۋريستەرٸنٸڭ نازارىن ٶزٸنە اۋداراتىندارىنا سەنٸمدٸ.
ەدەتتە دامىعان ەلدەردە مۇنداي ٸس-شارالاردى جەرگٸلٸكتٸ بيلٸك ورىندارى ەمەس, تۋريستٸك ۇيىمدار ٶزدەرٸ ۇيىمداستىراتىنى بەلگٸلٸ. ال بٸزدٸڭ ەكٸمدٸكتەر ناقتى جۇمىس ٸستەۋدٸڭ ورنىنا فەستيۆالدەر مەن كٸتاپتار شىعارۋعا ەۋەس.
ەگەر كەسٸپكەرلەردەن جينالعان قارجىعا قاپشاعايدىڭ جاعالاۋىن تازارتىپ, ونشاقتى ەجەتحانا سالسا, تۋريزمنٸڭ دامۋىنا قوسىلاعان پايدالى ٸس سول بولار ەدٸ. بٸراق ەكٸمدٸكتە فەستيۆال ٶتكٸزۋگە قاتتى قۇمارتىپ وتىر.
ەلٸمٸزدەگٸ اقپارات قۇرالدارى تاراپىنان سىنعا ۇشىراعان ەۋە شارلارى فەستيۆالٸن ەكٸمدٸككە قاراستى اقپارات قۇرالدارى جازعاننان كەيٸن دٷنيەجٷزٸنٸڭ تۋريستەرٸ قوناەۆقا اعىلاتىن شىعار? سودان كەيٸن الماتى وبلىسىنا قاراستى اقپارات قۇرالدارىنا Tesla, Samsung, Toyota سىندى الپاۋىت كومپانييالار جارناما بەرۋگە كەزەككە تۇرۋى مٷمكٸن.
قايتەمٸز, قۇداي سوعان جەتكٸزسٸن! ەكٸمدٸكتٸڭ دە بٸر ويلاعانى بار شىعار?
نۇرلان جۇماحان
