الماتى وبلىسى ٸلە اۋدانىنداعى 9 جەكەمەنشٸك بالاباقشالاردىڭ قۇرىلتايشىلارى قاماۋعا الىندى. بٸر ايدىڭ ٸشٸندە 29 جەكەمەنشٸك بالاباقشا جابىلىپ, مەملەكەتكە 729,0 ملن شىعىن كەلتٸرگەنٸ ٷشٸن تاعى دا بٸرنەشە قۇرىلتايشىلاردىڭ ٷستەرٸنەن ٸس قوزعالۋدا, – دەپ حابارلايدى Dalanews.kz.
بۇل تۋرالى قوناەۆ قالاسىندا ٶتكەن تامىز كەڭەسٸندە الماتى وبلىسىنىڭ ەكٸمٸ مارات سۇلتانعازيەۆ مەلٸم ەتتٸ.
– تٷسٸندٸرە كەتسەم, مۇندا جەكەمەنشٸك بالاباقشالار كەسٸپكەرلٸك سۋبەكتٸلەرگە تەكسەرٸس جٷرگٸزۋگە سالىنعان موراتورييدٸ پايدالانىپ, مەملەكەتتٸك تاپسىرىس نەگٸزٸندە بٶلٸنگەن قارجىنى جىمقىرعان.
وسى تۇستا بٷگٸنگٸ تامىز كەڭەسٸندە كٶتەرٸلٸپ وتىرعان – بٸلٸم بەرۋ جٷيەسٸنە ساندىق تەحنولوگييالاردى ەنگٸزۋ ٶتە ورىندى جەنە قاجەتتٸ ٸس. ساندىق تەحنولوگييا كٶپ جاعدايدا بٸلٸم سالاسىنداعى جەمقورلىق تەۋەكەلدەرٸن جويۋعا سەپتٸگٸن تيگٸزەرٸ سٶزسٸز.
بٷگٸنگٸ كٷنٸ تسيفرلىق تەحنولوگييالار باسقارماسى ارقىلى اتالعان جاعدايلاردىڭ الدىن الۋ, جەمقورلىققا توسقاۋىل قويۋ ماقساتىندا بارلىق بالاباقشالارعا مەنشٸك تٷرٸنە قاراماستان «بيومەترييا» اۆتوماتتاندىرىلعان جٷيەسٸ ەنگٸزٸلۋدە. مۇندا ەر بالانىڭ بالاباقشاعا كەلۋٸ جەكەلەي QR كود ارقىلى تابەلگە ەنگٸزٸلٸپ, ەسەبٸ جٷرٸپ وتىرادى, – دەدٸ ٶڭٸر باسشىسى.
جەكەمەنشٸك بالالاقشالارداعى كەلەسٸ پروبلەما – تەربيەشٸ پەداگوگتاردىڭ بٸلٸمٸ مەن بٸلٸكتٸلٸگٸنٸڭ تٶمەندٸگٸ. قازٸرگٸ كەزدە جالپى رەسپۋبليكا بويىنشا جەكەمەنشٸك بالاباقشالاردا تەربيەشٸلەر مەن كٸشٸ قىزمەتكەرلەردٸڭ ٶز ٸسٸنە جاۋاپكەرشٸلٸگٸنٸڭ تٶمەندٸگٸ, پسيحولوگييالىق تۇراقسىزدىعى سالدارىنان بالالارعا قاتىستى تٷرلٸ جاعدايلار ورىن الۋدا.
ٶڭٸر باسشىسى جەكەمەنشٸك بالاباقشالارعا پەداگوگتاردىڭ بٸلٸمٸ مەن جاۋاپكەرشٸلٸكتەرٸن كٶتەرۋ باعىتىنداعى جۇمىستاردى جٷرگٸزۋدٸ تاپسىرعانىن ايتتى.
– بٷگٸنگٸ تامىز كەڭەسٸندە وبلىسىمىزدىڭ بٸلٸم سالاسىنداعى ٶزەكتٸ پروبلەمالار كٶتەرٸلٸپ, جالپى بٸلٸم سالاسىنىڭ دامۋىمەن تانىستىڭىزدار. بٸلٸم بەرۋ ٶتە كٷردەلٸ جٷيە ەكەنٸن تاعى دا قايتالاپ ايتقىم كەلەدٸ. سالاداعى پروبلەمالار ناقتى جۇمىستار ارقىلى شەشٸمٸن تابادى. وسى تۇستا پەداگوگتار قۇزىرەتتٸلٸگٸنٸڭ جوعارى بولۋى اسا ماڭىزدى. وقۋشى دا, اتا-انا دا, مەملەكەت تە سٸزدەرگە بولاشاعىن تاپسىرىپ, زور ٷمٸت كٷتەدٸ. سوندىقتان بارشاڭىزدى ٶنٸمدٸ, نەتيجەلٸ ەڭبەك ەتۋگە شاقىرامىن, – دەدٸ.
