ءبىر اي بۇرىن قالالىق «iKomek109» مونيتورينگ جانە جەدەل ارەكەت ەتۋ ورتالىعىنىڭ الاڭىندا نۇر-سۇلتان مەديسينالىق ۇيىمداردىڭ باس دارىگەرلەرىنىڭ قاتىسۋىمەن العاشقى كەڭەيتىلگەن وتىرىس ءوتتى.
سول كەزدە اۋرۋحانالار مەن ەمحانالاردىڭ باسشىلارى «iKomek109» موبيلدىك قوسىمشاسى ارقىلى وتىنىشتەرمەن جۇمىس ىستەي باستادى جانە تۇرعىنداردىڭ شاعىمدارى مەن ۇسىنىستارىنا جەكە جاۋاپ بەردى. ايدىڭ قورىتىندىسى بويىنشا 2019 جىلدىڭ 9 قازانىندا باس دارىگەرلەردىڭ قاتىسۋىمەن جيىن وتكىزگەننەن كەيىن شاعىمدار مەن جاعداياتتارعا دەن قويۋ ۋاقىتىنىڭ ەداۋىر ازايعانى، جاعداياتتاردى جابۋ ۋاقىتىنىڭ 2 كۇنگە دەيىن قىسقارۋى بايقالادى، بۇرىن جاعداياتتاردى جابۋعا ورتا ەسەپپەن 5 كۇن كەتەتىن.
سونىمەن قاتار، قازان ايىنىڭ قورىتىندىسى بويىنشا مەديسينالىق قىزمەتكەرلەردىڭ اتىنا كەلگەن العىستاردىڭ 3 ەسەدەن استامعا ارتقانى بايقالادى. العىستاردىڭ كوپشىلىگى №9 قالالىق ەمحانانانىڭ اتىنا كەلىپ تۇسكەن – 42%.
– iKOMEK109 قالالىق ورتالىعى مەن قوعامدىق دەنساۋلىق ساقتاۋ باسقارماسىنىڭ قويان-قولتىق جۇمىس جاساۋى ارقىلى ەلەۋلى ناتيجەلەرگە قول جەتكىزدىك. بۇل ءقازىر سيفرلىق تەحنولوگيالاردىڭ مەملەكەتتىك سەكتوردا قاجەت ەكەنىن كورسەتەدى جانە ءبىز ەلورداداعى تۇرمىس ساپاسىن جاقسارتۋ ءۇشىن ءوز سەرۆيستەرىمىزدى جەتىلدىرۋدى جالعاستىرامىز، – دەدى «iKomek109» قالالىق مونيتورينگ ورتالىعىنىڭ باسشىسى جاننات ءدۇبىروۆا.
ايتا كەتەيىك، ەستەرىڭىزگە سالا كەتەيىك، بۇگىندە ءاربىر قالا تۇرعىنى iKOMEK109 قالالىق ورتالىعىنا ءوتىنىش بەرىپ، ونىڭ اتقارىلۋ دارەجەسىن سيفرلىق سەرۆيستەردىڭ كەڭ اۋقىمىمەن: اكىمدىكتىڭ رەسمي سايتى www.astana.gov.kz؛ Whatsapp-بوت: +7-747-109-0-109 (https://wa.me/+77471090109)؛ Telegram-بوت: https://t.me/nursultanikomek109_bot ارقىلى قاداعالاي الادى.
