ٸشكٸ ٸستەر مينيسترلٸگٸنٸڭ ٶكٸلٸ حۋتورلىق حاسان قاسىمبەكوۆكە قاتىستى پٸكٸر بٸلدٸردٸ, - دەپ حابارلايدى Dalanews.kz Orda.kz-كە سٸلتەپ.
باسىلىم دەرەگٸنشە, ٸشكٸ ٸستەر مينيسترٸنٸڭ ورىنباسارى يگور لەپيوحا قۇقىق قورعاۋ ورگاندارىندا ۇيىمداسقان قىلمىستىق توپتاردىڭ تٸزٸمٸ بار ەكەنٸن راستاعان.
جۋىردا حاسان قاسىمباەۆتىڭ ەكٸ ايعا قاماۋعا الىنعانى بەلگٸلٸ بولدى. مەجٸلٸس كۋلۋارىندا جۋرناليستەر يگور لەپيوحادان قازاقستاندىقتاردىڭ اۋزىندا جٷرگەن «حۋتورلىقتار» توبى تۋرالى سۇرادى. بۇعان دەيٸن ٸٸم مۇنداي قىلمىستىق توپتىڭ بار ەكەنٸن جوققا شىعارعان ەدٸ.
"بٸر قىلمىستىق توپ جويىلسا, جاڭالارى پايدا بولادى, بٸز ولاردى ەسەپكە الامىز. بۇل تۇراقتى جۇمىس قوي. الايدا قازٸر 90-جىلدارداعىداي قىلمىستىڭ ٶرشۋٸ مەن ۇيىمداسقان توپتار بار دەپ ايتۋعا بولمايدى", – دەدٸ لەپيوحا.
ول حاسان قاسىمباەۆقا قاتىستى ٸستٸڭ ەگجەي-تەگجەيٸنە ەلٸ تولىق ٷڭٸلمەگەنٸن, سەبەبٸ بۇل تەرگەۋ ۇيىمداسقان قىلمىسقا قارسى كٷرەس باسقارماسىنىڭ قۇزىرەتٸندە ەكەنٸن ايتتى.
"بارلىق مەسەلە قىلمىستىق ٸس اياسىندا انىقتالادى. ەزٸرگە بٸزدٸڭ قىزمەتكەرلەردٸڭ قاتىسى بار دەگەن كٷدٸك جوق. بارلىق ەرەكەت پروكۋراتۋرانىڭ باقىلاۋىندا. جاڭادان اشىلعان مەلٸمەتتەرگە سەيكەس ول جاۋاپكەرشٸلٸككە تارتىلادى", – دەپ قورىتىندىلادى لەپيوحا.
ايتا كەتەيٸك, بۇعان دەيٸن پوليتسييا مەلٸمدەمە جاساپ, حاسان قاسىمباەۆتىڭ ۇستالۋى - شەرزاتتىڭ ٶلٸمٸنە بايلانىستى ەمەس ەكەنٸن حابارلادى.
پد مەلٸمەتٸنشە, قاسىمباەۆ 2 قاراشادا ۇستالىپ, ۋاقىتشا ۇستاۋ يزولياتورىنا قاماۋعا الىنعان. ول ازامات ا.-نى ۇرلاپ, دەنساۋلىعىنا اۋىر زييان كەلتٸردٸ دەگەن كٷدٸككە ٸلٸنگەن.
وقيعا 2021 جىلدىڭ ماۋسىمىندا بولعان.
"قازٸرگٸ ۋاقىتتا قىلمىستىڭ بارلىق مەن-جايىن جان-جاقتى, تولىق جەنە وبەكتيۆتٸ زەرتتەۋدٸ قامتاماسىز ەتۋ ٷشٸن تەرگەۋ ەرەكەتتەرٸنٸڭ كەشەنٸ جٷرگٸزٸلٸپ جاتىر. ٸس ماتەريالدارى بۇلتارتپاۋ شاراسىن سانكتسييالاۋ ٷشٸن سوتقا جٸبەرٸلدٸ", - دەدٸ بۇعان دەيٸن الماتى وبلىستىق پد ٶكٸلدەرٸ.
