Ishki ister ministrliginiń ókili hýtorlyq Hasan Qasymbekovke qatysty pikir bildirdi, - dep habarlaidy Dalanews.kz Orda.kz-ke siltep.
Basylym dereginshe, Ishki ister ministriniń orynbasary Igor Lepioha quqyq qorǵaý organdarynda uiymdasqan qylmystyq toptardyń tizimi bar ekenin rastaǵan.
Jýyrda Hasan Qasymbaevtyń eki aiǵa qamaýǵa alynǵany belgili boldy. Májilis kýlýarynda jýrnalister Igor Lepiohadan qazaqstandyqtardyń aýzynda júrgen «Hýtorlyqtar» toby týraly surady. Buǵan deiin IIM mundai qylmystyq toptyń bar ekenin joqqa shyǵarǵan edi.
"Bir qylmystyq top joiylsa, jańalary paida bolady, biz olardy esepke alamyz. Bul turaqty jumys qoi. Alaida qazir 90-jyldardaǵydai qylmystyń órshýi men uiymdasqan toptar bar dep aitýǵa bolmaidy", – dedi Lepioha.
Ol Hasan Qasymbaevqa qatysty istiń egjei-tegjeiine áli tolyq úńilmegenin, sebebi bul tergeý uiymdasqan qylmysqa qarsy kúres basqarmasynyń quzyretinde ekenin aitty.
"Barlyq másele qylmystyq is aiasynda anyqtalady. Ázirge bizdiń qyzmetkerlerdiń qatysy bar degen kúdik joq. Barlyq áreket prokýratýranyń baqylaýynda. Jańadan ashylǵan málimetterge sáikes ol jaýapkershilikke tartylady", – dep qorytyndylady Lepioha.
Aita keteiik, buǵan deiin politsiia málimdeme jasap, Hasan Qasymbaevtyń ustalýy - Sherzattyń ólimine bailanysty emes ekenin habarlady.
PD málimetinshe, Qasymbaev 2 qarashada ustalyp, ýaqytsha ustaý izoliatoryna qamaýǵa alynǵan. Ol azamat A.-ny urlap, densaýlyǵyna aýyr ziian keltirdi degen kúdikke ilingen.
Oqiǵa 2021 jyldyń maýsymynda bolǵan.
"Qazirgi ýaqytta qylmystyń barlyq mán-jaiyn jan-jaqty, tolyq jáne obektivti zertteýdi qamtamasyz etý úshin tergeý áreketteriniń kesheni júrgizilip jatyr. Is materialdary bultartpaý sharasyn sanktsiialaý úshin sotqa jiberildi", - dedi buǵan deiin Almaty oblystyq PD ókilderi.
