قازاقستاندا جەر قويناۋىن پايدالانۋشىلاردىڭ عىلىمي-زەرتتەۋ جەنە تەجٸريبەلٸك-كونسترۋكتورلىق جۇمىستارعا ارنالعان مٸندەتتٸ اۋدارىمدارىن پايدالانۋ تەتٸگٸن جەتٸلدٸرۋ ۇسىنىلدى. قارجى مينيسترلٸگٸنٸڭ مەلٸمەتٸنشە, 2026 جىلدىڭ العاشقى توعىز ايىندا وسى ماقساتقا 4,5 ملرد تەڭگە تٷسكەن. الايدا قاراجاتتى تيٸستٸ جوبالاردى قارجىلاندىرۋعا باعىتتاۋ مەسەلەلەرٸ بار, دەپ حابارلايدى dalanews.kz.
ەڭگٸمە جەر قويناۋىن پايدالانۋشىلاردىڭ ٶندٸرۋ شىعىندارىنىڭ 1%-ى مٶلشەرٸندە عىلىمي-زەرتتەۋ جەنە تەجٸريبەلٸك-كونسترۋكتورلىق جۇمىستارعا اۋدارۋعا مٸندەتتٸ قاراجاتى تۋرالى بولىپ وتىر.
باياندامادا بۇل قاراجات ٶنەركەسٸپ پەن ەل ەكونوميكاسىنا قاجەتتٸ زەرتتەۋلەر مەن تەحنولوگييالاردى قولداۋعا باعىتتالۋى تيٸس ەكەنٸ اتاپ ٶتٸلدٸ. الايدا اقشانىڭ تٷسۋٸنەن باستاپ, ناقتى عىلىمي جوبالاردى قارجىلاندىرۋعا جەنە نەتيجەسٸن ٶندٸرٸسكە ەنگٸزۋگە دەيٸنگٸ تولىق تەتٸك قالىپتاسۋى قاجەت.
وسىعان بايلانىستى ٷكٸمەتكە مٸندەتتٸ اۋدارىمداردى پايدالانۋ تەرتٸبٸن جەتٸلدٸرۋ ۇسىنىلدى. اتاپ ايتقاندا, قاراجاتتى بٶلەك ەسەپكە الۋ جەنە عىلىمي جوبالاردى اشىق كونكۋرستىق ٸرٸكتەۋ تەتٸگٸن ەنگٸزۋ قاجەتتٸگٸ ايتىلدى.
سونداي-اق عىلىم جەنە جوعارى بٸلٸم مينيسترلٸگٸ مەن قارجى مينيسترلٸگٸ قارجىلاندىرۋ مەن مونيتورينگكە جاۋاپتى وپەراتور ۇيىمدى ايقىنداۋى كەرەك. ونى تاڭداۋ كەزٸندە قولدانىستاعى ۇيىمداردىڭ مٷمكٸندٸكتەرٸن, ەكٸمشٸلەندٸرۋ شىعىندارىن باعالاپ, بٸردەي فۋنكتسييالاردىڭ قايتالانۋىنا جول بەرمەۋ ۇسىنىلدى.
عىلىمي اۋدارىمداردى ەڭ الدىمەن ٶندٸرۋ مەن ٶڭدەۋ تيٸمدٸلٸگٸن ارتتىرۋ, رەسۋرستاردى ٷنەمدەۋ, ٶنەركەسٸپتٸك قاۋٸپسٸزدٸك, ەكولوگييا جەنە ٶندٸرٸستٸك ٷدەرٸستەردٸ تسيفرلاندىرۋ باعىتتارىنا جۇمساۋ كٶزدەلٸپ وتىر.
باياندامادا قاراجاتتىڭ ناقتى جوبالارعا ۋاقتىلى جەتۋٸ جەنە زەرتتەۋ نەتيجەلەرٸنٸڭ ٸس جٷزٸندە قولدانىلۋى نەگٸزگٸ ٶلشەم بولۋى تيٸس ەكەنٸ اتاپ ٶتٸلدٸ.
