اپاي كىنالى مە؟
ايتۋىنشا، ءماۋىتحان گۇلجان ءقازىر اقشاسىنان ايىرىلعانى از بولعانداي، «ەكونوميكالىق كونتراباندا» جاساماقشى بولدى دەگەن جەلەۋمەن قىلمىستىق جاۋاپكەرشىلىككە تارتىلىپ جاتىر.
"ءىس شقو، زايسان اۋداندىق سوتىندا قارالۋدا. مەن ءىس سوتقا كەتكەننەن باستاپ، ول كىسىلەردىڭ قولىنداعى قۇجاتتاردى سارالاپ، ءوز سوزدەرىن تىڭداپ اپايدىڭ كىناسىز ەكەندىگىنە كوزىمدى تولىق جەتكىزگەن اداممىن، سول سەبەپتى، قولىمنان كەلگەنشە كومەكتەسۋگە ۋادە بەرگەم. ول كىسىلەردىڭ ەڭ باستى قاتەلىگى، دەنى دۇرىس زاڭگەر كومەگىنە دەر كەزىندە جۇگىنبەۋى، ايتپەسە جاعداي باسقاشا ءوربۋى دە ابدەن مۇمكىن ەدى"
دەيدى زاڭگەر.
ال ءىس سوتقا جولدانعان. العاشقى سوت 27 ناۋرىزدا وتكەن. قۇسپاننىڭ ءوزى ۇشاقتىڭ ۇشپاي قالۋىنا بايلانىستى سوت وتىرىسىنا قاتىسا الماعان. سەمەيدەگى ارىپتەسىن جىبەرىپتى ەسەسىنە.
نەگىزگى ماسەلە
ول مىنادا: ءدال ءقازىر گۇلجان ءماۋىتحان مەن ۇلى ادىلبەككە قارجىلاي كومەك كەرەك ەكەن.
"كەشە عانا مۇحتار تايجان سىزدەردەن (الەۋمەتتىك جەلىدەگى جۇرتتى ايتىپ وتىر، اۆت.) كومەك سۇراپ، ادىلبەكتىڭ جەكە قۇجاتى مەن بانك كارتوچكاسىن سالدى. نەگىزى، گۇلجان اپاي دا، ۇلى ادىلبەك تە ەشكىمنەن الاقان جايىپ كومەك سۇراپ وتىرعان جوق. ادىلبەك جۇڭگو جەرىندە كۇرەسپەن اينالىسقان، كەيىن باپكەر بولىپ قىزمەت ەتكەن كاسىبي مامان. ءقازىر ءوز ەلىنە كەلىپ، كوشەدە تاكسيست قىزمەتىن اتقارسا دا، ءناپاقاسىن ادال ايىرىپ جۇرگەن ازامات. كومەك سۇراپ وتىرعان مىنا مەن، مۇحتارعا دا تەلەفون شالىپ كومەك سۇراعان مەن" دەيدى ابزال قۇسپان.
زاڭگەر بۇل رەتتە مۇنىڭ بىرنەشە سەبەبىن العا تارتىپتى:
1. وتاعاسىنان ەرتە ايىرىلسا دا، ءومىر بويى تىراشتانىپ ەڭبەك ەتكەن گۇلجان اپاي، بار جيعان-تەرگەنىنەن ءبىر كۇندە ايىرىلىپ قالدى.
2. دەنساۋلىعى ناشار، ال قازاقستان ەمحانالارى بولسا شەتەلدىك دەپ قابىلدامايدى، تەك قانا اقىلى ەمحاناعا قارالۋعا ءماجبۇر،
3. استانادا ءۇي جالداپ تۇرىپ جاتىر،
4. قازىرگى تاڭدا ءوز ۇستىنەن قىلمىستىق ءوندىرىس قوزعالىپ، سوتتالۋ ءقاۋپى بار.
مىنا تۇرىمىزبەن شەتتەگى قانداستاردى قالاي شاقىرماقپىز؟
ءقاۋپى بار دەگەننەن شىعادى گۇلجان ءماۋىتحانعا جاناشىر جاندار باس پروكۋرورعا حات جولداپتى. سوتقا دا وتىنىشتەر دايىنداعان. ءبىراق، "بيلىكتىڭ بەتى بەرى قاراماي وتىر" ەكەن.
"گۇلجان اپايدىڭ ءىستى بولىپ، سوتتالۋ ءقاۋپى انىق. سەبەبى، مايقاپشاعاي كەدەن بەكەتىندە جانە زايسان اۋداندىق سوتىندا بۇعان دەيىندە بۇنداي جاعدايلار ورىن العان ەكەن، ول تۋرالى مەنىڭ قولىمدا ءقازىر ناقتى قۇجاتتار بار.
ال، ەگەر، ءىس بۇل جولى دا الدىڭعىلارداي اياقتالسا، شەتتەگى باسقا قانداستارىمىزدى قالاي، نە بەتىمىزبەن ەلگە شاقىرماقپىز؟
سوندىقتان، گۇلجان اپاي جانە ونىڭ وتباسىنا ەڭ بولماسا ەل بولىپ وسىلاي كومەك ەتسەك، قارجىلاي دەمەپ، ەلدىگىمىزدى كورسەتسەك..." دەپتى زاڭگەر.
ازىرلەگەن، دۋمان بىقاي
