Apai kináli me?
Aitýynsha, Máýithan Gúljan qazir aqshasynan aiyrylǵany az bolǵandai, «Ekonomikalyq kontrabanda» jasamaqshy boldy degen jeleýmen qylmystyq jaýapkershilikke tartylyp jatyr.
"Is ShQO, Zaisan aýdandyq sotynda qaralýda. Men is sotqa ketkennen bastap, ol kisilerdiń qolyndaǵy qujattardy saralap, óz sózderin tyńdap apaidyń kinásiz ekendigine kózimdi tolyq jetkizgen adammyn, sol sebepti, qolymnan kelgenshe kómektesýge ýáde bergem. Ol kisilerdiń eń basty qateligi, deni durys zańger kómegine der kezinde júginbeýi, áitpese jaǵdai basqasha órbýi de ábden múmkin edi"
deidi zańger.
Al is sotqa joldanǵan. Alǵashqy sot 27 naýryzda ótken. Quspannyń ózi ushaqtyń ushpai qalýyna bailanysty sot otyrysyna qatysa almaǵan. Semeidegi áriptesin jiberipti esesine.
Negizgi másele
Ol mynada: dál qazir Gúlján Máýithan men uly Ádilbekke qarjylai kómek kerek eken.
"Keshe ǵana Muhtar Taijan Sizderden (áleýmettik jelidegi jurtty aityp otyr, avt.) kómek surap, Ádilbektiń jeke qujaty men bank kartochkasyn saldy. Negizi, Gúljan apai da, uly Ádilbek te eshkimnen alaqan jaiyp kómek surap otyrǵan joq. Ádilbek qytai jerinde kúrespen ainalysqan, keiin bapker bolyp qyzmet etken kásibi maman. Qazir óz eline kelip, kóshede taksist qyzmetin atqarsa da, nápaqasyn adal aiyryp júrgen azamat. Kómek surap otyrǵan myna Men, Muhtarǵa da telefon shalyp kómek suraǵan Men" deidi Abzal Quspan.
Zańger bul rette munyń birneshe sebebin alǵa tartypty:
1. Otaǵasynan erte aiyrylsa da, ómir boiy tyrashtanyp eńbek etken Gúljan apai, bar jiǵan-tergeninen bir kúnde aiyrylyp qaldy.
2. Densaýlyǵy nashar, al Qazaqstan emhanalary bolsa sheteldik dep qabyldamaidy, tek qana aqyly emhanaǵa qaralýǵa májbúr,
3. Astanada úi jaldap turyp jatyr,
4. Qazirgi tańda óz ústinen qylmystyq óndiris qozǵalyp, sottalý qaýpi bar.
Myna túrimizben shettegi qandastardy qalai shaqyrmaqpyz?
Qaýpi bar degennen shyǵady Gúlján Máýithanǵa janashyr jandar Bas Prokýrorǵa hat joldapty. Sotqa da ótinishter daiyndaǵan. Biraq, "biliktiń beti beri qaramai otyr" eken.
"Gúljan apaidyń isti bolyp, sottalý qaýpi anyq. Sebebi, Maiqapshaǵai keden beketinde jáne Zaisan aýdandyq sotynda buǵan deiinde bundai jaǵdailar oryn alǵan eken, ol týraly meniń qolymda qazir naqty qujattar bar.
Al, eger, is bul joly da aldyńǵylardai aiaqtalsa, shettegi basqa qandastarymyzdy qalai, ne betimizben elge shaqyrmaqpyz?
Sondyqtan, Gúljan apai jáne onyń otbasyna eń bolmasa el bolyp osylai kómek etsek, qarjylai demep, eldigimizdi kórsetsek..." depti zańger.
Ázirlegen, Dýman BYQAI
