قازاقستان ۇلتتىق وليمپيادالىق كوميتەتٸنٸڭ پرەزيدەنتٸ گەنناديي گولوۆكين حالىقارالىق بوكس فەدەراتسيياسى (World Boxing) جاڭا وليمپيادالىق كوميسسيياسىنىڭ تٶراعاسى اتاندى, – دەپ حابارلايدى Dalanews.kz.
قازاقستاننىڭ ۇلتتىق وليمپيادالىق كوميتەتٸنٸڭ باسپاسٶز قىزمەتٸنٸڭ حابارلاۋىنشا, جۇمىس بارىسىندا قازاقستان ۇوك باسشىسى World Boxing قىزمەتٸنٸڭ اشىقتىعىن قامتاماسىز ەتۋ مەسەلەلەرٸنە قاتىستى حالىقارالىق سپورتتىق ۇيىمدارمەن بٸرلەسە جۇمىس ٸستەۋگە كٶڭٸل بٶلەدٸ.
سونىمەن قاتار ونىڭ كوميسسييا باسشىسى رەتٸندەگٸ باستى مٸندەتتەرٸنٸڭ بٸرٸ – بوكستى وليمپيادا ويىندارىنىڭ باعدارلاماسىندا قالدىرىپ, World Boxing ۇيىمىن حوك مويىنداۋى ٷشٸن حالىقارالىق وليمپيادا كوميتەتٸمەن تىعىز ەرٸپتەستٸك ورناتۋ بولماق.
ايتا كەتەلٸك, World Boxing گەنناديي گولوۆكيننٸڭ كانديداتۋراسىن العاشقىلاردىڭ بٸرٸ بولىپ بەكٸتتٸ. جاقىن ارادا وليمپيادالىق كوميسسييا قۇرامىنا سپورت ەلەمٸنٸڭ ٶزگە دە ٶكٸلدەرٸ ەنٸپ, بوكستى وليمپيادالىق قوزعالىس ورتاسىندا قالدىرۋعا ارنالعان ٸرٸ جوسپارلاردى جٷزەگە اسىرۋعا كٷش سالادى.
World Boxing 2023 جىلدىڭ سەۋٸرٸندە قۇرىلدى. قازٸرگٸ تاڭدا ۇيىم قۇرامىنا ەلەمنٸڭ 44 مەملەكەتٸندەگٸ ۇلتتىق فەدەراتسييالار ەنگەن.
مەملەكەتتٸك قىزمەتتەگٸ مانسابى
گولوۆكين – 2024 جىلدىڭ 27 اقپانى قازاقستان ۇلتتىق وليمپيادا كوميتەتٸنٸڭ پرەزيدەنتٸ قىزمەتٸنە تاعايىندالدى. سپورتشى ٶز ٶكٸلەتتٸگٸن مەرزٸمٸنەن بۇرىن بوساعان تيمۋر قۇلىباەۆتىڭ ورنىنا كەلدٸ.
"ٶزدەرٸڭٸز بٸلەتٸندەي, مەن ساياساتكەر دە, شەنەۋنٸك تە ەمەسپٸن. مەن ٶز نيەتٸمدٸ سٶزبەن ەمەس, ٸسپەن دەلەلدەۋگە داعدىلانعانمىن. باستى مٸندەتتەردٸڭ بٸرٸ – حالىقارالىق قاتىناستاردى نىعايتۋ", – دەدٸ بوكسشى.
گولوۆكين – IBF, WBA جەنە IBO نۇسقالارى بويىنشا ەكٸ دٷركٸن ەلەم چەمپيونى. ول وليمپيادا ويىندارىنىڭ كٷمٸسٸن دە جەڭٸپ الدى.
