عۇلاما عالىم, زاڭعار تۇلعا قانىش سەتباەۆتىڭ تۋعان كٷنٸمەن تۇسپا-تۇس كەلگەن عىلىم قىزمەتكەرلەرٸ كٷنٸ مەرەكەسٸندە مەملەكەت باسشىسى قاسىم-جومارت توقاەۆتىڭ تٶراعالىعىمەن عىلىم جەنە تەحنولوگييالار جٶنٸندەگٸ ۇلتتىق كەڭەستٸڭ وتىرىسى ٶتتٸ. اتالمىش كەڭەس بارىسىندا ەل بولاشاعى ٷشٸن ماڭىزدى مەسەلەلەر كٶتەرٸلٸپ, تالقىعا سالىندى, – دەپ حابارلايدى Dalanews.kz.
پرەزيدەنتٸمٸز ٶزٸ اتاپ ٶتكەندەي, تەۋەلسٸز ەلٸمٸز قازاقستاندا عىلىمعا جەتە مەن بەرٸلمەگەندٸكتەن, ەلٸمٸزدٸڭ بۇرىنعى عىلىمي ەلەۋەتٸ مەن ينفراقۇرىلىمىن جوعالتىپ العانىمىز ٶكٸنٸشتٸ. عىلىمنىڭ جەتكٸلٸكتٸ دەڭگەيدە جٷزەگە اسپاۋى, عالىمداردىڭ تارتىلماۋىنىڭ سالدارىن ەل ٶڭٸرلەرٸندە ورىن العان تٶتەنشە جاعداي – سۋ تاسقىنىنان كٶرٸنٸپ جاتقانى بەلگٸلٸ.
ەل باسشىسى قاسىم-جومارت توقاەۆ وتىرىس بارىسىندا ەلدە بٸلٸكتٸ ماماندار مەن عالىمداردىڭ تاپشىلىعى ايقىن سەزٸلٸپ وتىرعانىنا نازار اۋدارىپ, وتاندىق عىلىمدى دامىتۋعا قاتىستى بٸرقاتار ٶزەكتٸ مەسەلە كٶتەردٸ. وسى تۇرعىدا وتىرىس بارىسىندا پرەزيدەنت ەڭ الدىمەن الداعى ۋاقىتتا اتقارىلۋعا تيٸس تٶمەندەگٸدەي سالماقتى مەسەلەلەردٸ سٶز ەتە وتىرىپ, ارنايى مٸندەتتەر تارسىردى:
- تٶتەنشە جاعدايدىڭ الدىن الۋ ٸسٸندەگٸ ولقىلىقتار. بۇعان سەبەپ – بٸلٸكتٸ مامانداردىڭ تاپشىلىعى جەنە عىلىمي جۇمىستاردىڭ ساپاسىزدىعى. وسى ولقىلىقتاردى رەتتەۋ ٷشٸن الدىمەن وقۋ ورنىن ماتەريالدىق-تەحنيكالىق تۇرعىدان تولىق جابدىقتاۋ ارقىلى تارازداعى گيدرومەليوراتيۆتٸك-قۇرىلىس ينستيتۋتىن قايتا قالپىنا كەلتٸرۋ.
- سەيسمولوگييا ينستيتۋتىنىڭ عىلىمي ەلەۋەتٸن ارتتىرۋ, سەيسمولوگييانى جەنە سەيسميكالىق رەجيمدٸ باقىلاۋ قۇرالدارىن دامىتۋ, سونداي-اق الماتى اۋماعىنا ارنايى سەيسمولوگييالىق زەرتتەۋ جٷرگٸزۋ.
- ۋنيۆەرسيتەتتەردەگٸ كادر تاپشىلىعى, عىلىمي جۇمىستاردىڭ ساپاسىزدىعى.
- ەلدەگٸ جوو اراسىندا ٶڭٸرلٸك تەڭسٸزدٸك. ٶڭٸرلەردەگٸ كادر تاپشىلىعىنا جول بەرمەۋ ماقساتىندا جوعارى بٸلٸمنٸڭ بٸرتۇتاس دامۋىن قامتاماسىز ەتۋ ٷشٸن اكادەمييالىق باسىمدىق ورتالىقتارىن قۇرۋ.
- ەلدەگٸ عىلىمنىڭ كادرلىق ەلەۋەتٸن كٷشەيتۋ تۋرالى سٶز قوزعاي وتىرىپ, جاس عالىمداردى جان-جاقتى قولداۋ.
- ماگيستراتۋرا جەنە دوكتورانتۋرا باعدارلاماسىنا ارنالعان گرانتتىڭ قۇنىن ارتتىرۋ, ٸرٸ ٶندٸرٸستٸك كومپانييالارمەن بٸرگە «يندۋستريالدى PhD» دايارلاۋ مەحانيزمٸن ەزٸرلەپ, قولدانىسقا ەنگٸزۋ.
- ٶڭٸرلٸك جوعارى وقۋ ورىندارىنىڭ بازاسىندا وزىق ينجەنەرلٸك مەكتەپتەر اشۋ.
عىلىم جەنە تەحنولوگييالار جٶنٸندەگٸ ۇلتتىق كەڭەستٸڭ وتىرىسىندا ەل باسشىسى ق.ج.توقاەۆ كٶتەرگەن مٸندەتتەر جٷيەلٸ ورىندالىپ, ٸسكە اساتىن بولسا, دامىعان عىلىمى مەن قۋاتتى مەملەكەتٸ بار, بٸرلٸگٸ مىعىم ەلگە اينالارىمىز سٶزسٸز. سوندىقتان ەلدٸ دامىتۋ ٷشٸن الدىمەن عىلىمدى قولعا الۋ ٶتە ماڭىزدى ەرٸ سالماقتى ٸس. قازاق عىلىمى جاساسىن!
داريعا كٶكەەۆا, تاياۋ شىعىس جەنە وڭتٷستٸك ازييا كافەدراسىنىڭ مەڭگەرۋشٸسٸ
