رەسمي مالىمەتكە سايكەس، سىبايلاس جەمقورلىققا قارسى ءىس-قيمىل اگەنتتىگى قورعانىس مينيسترلىگىمەن بىرلەسىپ، سىبايلاس جەمقورلىق قىلمىستارىن جاسادى دەگەن كۇدىكپەن كادر جانە اسكەري ءبىلىم بەرۋ دەپارتامەنتىنىڭ باستىعى، گەنەرال-مايوردى ۇستادى.
اسكەري شەنەۋنىك قۇزىرەتىنە كاسىبي كادرلاردى ىرىكتەۋ مەن ورنالاستىرۋ، جەكە قۇرام اراسىندا سىبايلاس جەمقورلىق تاۋەكەلدەرىن جويۋ جانە الدىن الۋ شارالارى كىرگەن.
الايدا ول ءوزى قول استىنداعى قىزمەتكەرلەردەن جالپى قامقورلىعى جانە قىزمەت بابىمەن كوتەرگەنى ءۇشىن ايتارلىقتاي مولشەردە جۇيەلى تۇردە پارا الىپ وتىرعان.
– كۇدىكتى كىناسىن مويىندادى جانە قورعاۋشى قاتىسۋىمەن ءىس جۇرگىزۋ كەلىسىمىن جاساۋ تۋرالى ءوتىنىش ءبىلدىردى. بيىلعى جىلدىڭ 31 قاڭتارىندا كۇدىكتىگە قاتىستى ۇيدە قاماۋدا ۇستاۋ تۇرىندەگى بۇلتارتپاۋ شاراسى تاڭدالدى. كۇدىكتى كىناسىنىڭ دارەجەسى تۋرالى تۇپكىلىكتى شەشىمدى سوت شىعارادى، – دەلىنگەن رەسمي حابارلامادا.
