Resmı málimetke sáıkes, sybaılas jemqorlyqqa qarsy is-qımyl agenttigi qorǵanys mınıstrligimen birlesip, sybaılas jemqorlyq qylmystaryn jasady degen kúdikpen kadr jáne áskerı bilim berý departamentiniń bastyǵy, general-maıordy ustady.
Áskerı sheneýnik quziretine kásibı kadrlardy irikteý men ornalastyrý, jeke quram arasynda sybaılas jemqorlyq táýekelderin joıý jáne aldyn alý sharalary kirgen.
Alaıda ol ózi qol astyndaǵy qyzmetkerlerden jalpy qamqorlyǵy jáne qyzmet babymen kótergeni úshin aıtarlyqtaı mólsherde júıeli túrde para alyp otyrǵan.
– Kúdikti kinásin moıyndady jáne qorǵaýshy qatysýymen is júrgizý kelisimin jasaý týraly ótinish bildirdi. Bıylǵy jyldyń 31 qańtarynda kúdiktige qatysty úıde qamaýda ustaý túrindegi bultartpaý sharasy tańdaldy. Kúdikti kinásiniń dárejesi týraly túpkilikti sheshimdi sot shyǵarady, – delingen resmı habarlamada.
