جەرلەسٸمٸز اقش-قا جەتۋ ٷشٸن جەتٸ مەملەكەتتٸڭ شەكاراسىن كەسٸپ ٶتكەن, جەتٸ مىڭ شاقىرىم جول جٷرگەن, سونىڭ ٸشٸندە 500 شاقىرىمىن جاياۋ جالپىلاپ ٶتۋگە مەجبٷر بولعان. ورتالىق امەريكانىڭ نۋ جىنىستى ورمانىندا (جۋنگلي) تٷنەپ, تروپيكالىق جاڭبىردىڭ استىندا قالىپتى. كوستا-ريكا, نيكاراگۋا, گوندۋراس, گۆاتەمالا, مەكسيكا, پاناما سەكٸلدٸ ەلدەردٸ باسىپ ٶتكەن قازاق اقىر سوڭى امەريكاعا جەتٸپ جىعىلعان.
"ساياحاتىمىزدى كولۋمبييادان باستادىق. ەرٸ قاراي بٸزدٸ شىتىرمان وقيعالار كٷتٸپ تۇردى. پانامانىڭ داريەن دەيتٸن تابيعي قورىعىندا باندىلارعا تالانا جازدادىق. بۇل پاركتى قاراقشىلار تورۋىلدايدى ەكەن. ەلەمنٸڭ ەر تٷكپٸرٸنەن كەلگەن قاپتەسەرلەر مەن باۋكەسەرلەر وسى ارادا بوي تاسالايدى. جەرگٸلٸكتٸ پوليتسەيلەر بۇل اراعا تۇمسىق تىعا بەرمەيدٸ. قوي تاستاردىڭ قالقاسىنا تىعىلىپ, بۇتانىڭ تٷبٸنە جاسىرىنىپ, بۇل ارادان دا امان-ەسەن ٶتتٸك.
كەيٸن كاريب تەڭٸزٸن كەشٸپ ٶتتٸك. تەڭٸز كٷزەتٸنٸڭ كٶزٸنە تٷسپەۋگە تىرىستىق. سٶيتٸپ كوستا ريكاعا جەتتٸك. مۇندا دا وڭىپ تۇرعانى شامالى. ميگرانت ەكەنٸڭ تٷرٸڭدە تۇر, قاشىپ-پىسىپ جٷرگەنٸڭدٸ ايتپاي بٸلەدٸ, شيراق قيمىلداماساڭ, بٸلەگٸڭنەن شاپ بەرٸپ, تۇتقىنعا الۋى مٷمكٸن. كەيٸن تۋعان-تۋىسىڭىدى بوپسالاپ, اقشا تالاپ ەتەدٸ. مەكسيكا, كوستا ريكا سەكٸلدٸ ەلدەردە بۇل ٷيرەنشٸكتٸ جاعداي...", - دەيدٸ جەرلەسەمٸز.
وسىنشاما مەحناتتى باستان ٶتكەن گاستاربايتەر قازاق اقىرى اڭساعان ارمانىنا قول جەتكٸزٸپ, امەريكاعا تابانى تيەدٸ.
شەكارانى زاڭسىز كەسٸپ ٶتكەندٸكتەن جانات تۇراقتى, الىم-سالىعى رەسٸمدەلگەن جۇمىسقا ورنالاسا المايدى. ەكٸ قولعا بٸر كٷرەك ٸزدەگەن جەرلەسٸمٸز ەر تٷرلٸ جەردە جالدانىپ جۇمىس ٸستەيدٸ, قانشا تٶلەيدٸ سونى مٸسە تۇتادى.
"قازاقستانعا جۋىر ارادا ورالا المايمىن", - دەيدٸ ول.
ەلٸمٸزدەگٸ جوقشىلىق پەن تاپشىلىقتان شارشاعان جەرلەستەرٸمٸز جاقسى ٶمٸر ٸزدەپ وسىنداي تەۋەكەلگە بارۋعا مەجبٷر.
