مەجٸلٸس دەپۋتاتى ەرلان سايروۆ قازاقستاندا فيلمدەردٸ تەكسەرەتٸن كوميسسييا قۇرۋ كەرەگٸن مەلٸمدەدٸ, دەپ حابارلايدى Dalanews.kz.
دەپۋتاتتىڭ سٶزٸنشە, سوڭعى كەزدەرٸ قوعامدا بٸرلٸك پەن تۇتاستىقتى نىعايتۋدان گٶرٸ, حالىقتى جٸككە بٶلۋگە بەيٸم ٷدەرٸس كٷشەيٸپ كەلەدٸ.
جەكەلەگەن كونتەنت ٶندٸرۋشٸلەر مەن كەسٸپكەرلەر رۋلىق سانانى جالاۋلاتىپ, كٷندەلٸكتٸ تۇتىناتىن فۋتبولكا مەن شاپاندارعا رۋ اتاۋىن جازىپ, ولاردى «برەند» نەمەسە «ماركەتينگتٸك ٶنٸم» رەتٸندە ساتىلىمعا شىعارۋدا.
ەلەۋمەتتٸك جەلٸلەردە جاستارعا رۋشىلدىق پسيحولوگييانى تاڭاتىن كونتەنت شەكتەن شىعىپ كەتتٸ.
"بۇل ۇلتتىڭ بٸرلٸگٸن ٸشٸنەن قۇرتاتىن قاۋٸپتٸ تەندەنتسييا كينوعا دا جەتتٸ. وسىنداي كەلٸسسٸز, قاجەتسٸز تاقىرىپتى ارقاۋ ەتكەن ارنايى فيلم پروكاتقا شىعىپتى. بۇل ارقىلى كينو تٷسٸرۋشٸلەردٸڭ نە ايتپاق بولعانى تٷسٸنٸكسٸز?! قازاقتىڭ رۋلارىن سالىستىراتىن, كەمسٸتەتٸن فيلمدەردٸڭ ماقساتى قانداي? تٸپتٸ بۇل فيلمدٸ جارنامالاۋ ٷشٸن جاسالعان ارنايى ەكزپوزيتسييادا رۋعا بٶلٸنۋدٸ قويىپ, قازاقستاننىڭ كارتاسىن ٷش جٷزگە بٶلٸپ قويعاندى كٶردٸك. بۇل نە دەگەن باسسىزدىق?", - دەيدٸ سايروۆ.
دەپۋتات ول – ۇلت ٷشٸن ەڭ سەزٸمتال تاقىرىپتى ايقايلاتىپ ەلەۋمەتتٸك كونتەنت, كينو تاقىرىبىنا اينالدىرىپ, كٶرەرمەن جيناۋ ەكەنٸن, ال ونىڭ تٷبٸ بۇل جاقسىلىققا ەكەلمەيتٸنٸن اتاپ ٶتتٸ.
"تۆورچەستۆولىق بوستاندىق قاجەت. بٸراق تۆورچەستۆولىق بوستاندىق مىنا الاي-دٷلەي زاماندا, ۇلتتىڭ بٸرلٸگٸن بۇزىپ, مەملەكەتتٸلٸكتٸڭ تامىرىن قييۋعا قابٸلەتتٸ دەڭگەيگە شىقپاۋى تيٸس. جاسٶسپٸرٸمدەر ٷشٸن كينو جەنە مەدياكونتەنتتٸڭ تەربيەلٸك ىقپالى جوعارى ەكەنٸن ەسكەرسەك, بۇل مەسەلەگە بەيجاي قاراۋعا بولمايدى. دانىشپان اباي «اتانىڭ بالاسى بولما, ادامنىڭ بالاسى بول» دەپ بەكەر ايتپاعان", - دەيدٸ مەجٸلٸسمەن.
دەپۋتاتتىڭ سٶزٸنشە رۋشىلدىق تەندەنتسييا قوعام ٸشٸندە مەملەكەتتٸك ويلاۋ قابٸلەتٸن كورروزيياعا ۇشىراتىپ, مەملەكەتتٸلٸكتٸ شاشىراتۋعا ەكەلەتٸن – قاۋٸپتٸ قۇبىلىس.
"عالام مەڭگٸ بولسا, سونشا مەڭگٸ بولاتىن قازاقستاندى قۇرامىز دەسەك, ۇلت ٸشٸندە ارتىقشىلىعىمىزدى كەمشٸلٸك دەپ كٶرسەتەتٸن, بٸر ۇلت ٸشٸندەگٸ رۋلاردى بٸر-بٸرٸنە ايداپ سالاتىن, ارانداتۋشىلىق ماتەريالدارعا تىيىم سالىنۋى كەرەك".
وسىعان بايلانىستى ەرلان سايروۆ كەلەسٸ شارالاردى قابىلداۋ ورىندى دەپ سانايدى.
- اقپارات جەنە مەدەنيەت مينيسترلٸگٸ جانىنان كينوپروكاتقا شىعاتىن وتاندىق فيلمدەردٸڭ مازمۇنىن الدىن الا كٶركەمدٸك-ەستەتيكالىق, يدەولوگييالىق, ۇلتتىق بٸرلٸك تۇرعىسىنان ساراپتايتىن تۇراقتى كوميسسييا قۇرۋدى تٷردە ٸسكە اسىرۋ قاجەت.
- «ۇلتتىق كود» جەنە «مەدەني ەرەكشەلٸك» ۇعىمىن جەلەۋ ەتٸپ, قوعامدى بٶلشەكتەۋگە, رۋشىلدىق پەن جٸكشٸلدٸكتٸ ناسيحاتتايتىن ەرەكەتتەرگە ناقتى توسقاۋىل قويۋ كەرەك.
- مەدەني سالادا, ەلەۋمەتتٸك جەلٸدە, قازاقستاننىڭ بارلىق حالىقتارىنىڭ بٸرلٸگٸن كٶرسەتەتٸن, جالپىۇلتتىق «بٸز قازاقپىز» دەگەن ماعىناداعى كونتەنتتٸ كٶبەيتۋگە كٸرٸسۋگە تيٸسپٸز.
