Freedom Holding Corp. 2026 فيسكالدىق جىلعى III توقساننىڭ قارجىلاي ناتيجەلەرىن جاريالادى، دەپ حابارلايدى Dalanews.kz.

كومپانيا ءۇشىن ول 2025 جىلعى 31 جەلتوقساندا اياقتالدى.

«2026 فيسكالدىق جىلعى ءۇشىنشى توقساننىڭ قورىتىندىسى بويىنشا Freedom Holding Corp. ودان ءارى ورنىقتى دامۋدا. وزگەرمەلى ماكروەكونوميكالىق ورتا مەن جاڭا رەتتەۋشى تالاپتار جاعدايىندا دا ءبىز وتىمدىلىكتىڭ جوعارى كورسەتكىشتەرىن ساقتاپ، كليەنتتەر سانىن تۇراقتى تۇردە ارتتىرىپ الامىز. بۇل يكەمدى ستراتەگيا مەن يننوۆاسياعا دەگەن اشىق ءتاسىلدىڭ ارقاسىندا مۇمكىن بولىپ وتىر. ءبىز ءوز كليەنتتەرىمىز بەن اكسيونەرلەرىمىز ءۇشىن ۇزاق مەرزىمدى قۇندىلىق جاساپ، ولاردىڭ سەنىمىن ساقتاپ، ولارمەن بىرگە دامۋ ءۇشىن قولىمىزدان كەلگەننىڭ ءبارىن جاساپ جاتىرمىز»، - دەيدى Freedom Holding Corp. باس اتقارۋشى ديرەكتورى تيمۋر تۋرلوۆ.

2025 جىلعى 31 جەلتوقساندا اياقتالعان ءۇش ايداعى قارجىلىق ناتيجەلەرگە شولۋ

كومپانيانىڭ جيىنتىق ءتۇسىمءى بىلتىرعى جىلدىڭ ۇقساس كەزەڭىندەگى 664،6 ملن اقش دوللارىمەن سالىستىرعاندا 2026 قارجى جىلىنىڭ III توقسانىندا 628،6 ملن اقش دوللارىن قۇرادى. ءتۇسىمنىڭ سەرپىنى قايتا ساقتاندىرۋدى شەگەرە وتىرىپ الىنعان ساقتاندىرۋ سىيلىقاقىسىنىڭ تومەندەۋىنە، ساۋدا باعالى قاعازدارىمەن جاسالاتىن وپەراسيالاردان تازا قارجىلىق ناتيجەنىڭ تومەندەۋىنە، سونداي-اق كوميسسيالىق كىرىستىڭ قىسقارۋىنا بايلانىستى. اتالعان ناتيجەنىڭ وسىلاي تومەندەۋءى ءىشىنارا شەتەل ۆاليۋتاسىمەن جاسالاتىن وپەراسيالار بويىنشا تازا پايدانىڭ وسۋىمەن وتەلدى.

2025 جىلعى 31 جەلتوقسانداعى جاعداي بويىنشا  قاراجات پەن ونىڭ بالاماسىنىڭ، شەكتەۋلى قاراجات پەن ينۆەستيسيالىق باعالى قاعازداردىڭ كولەمى 6،6 ملرد اقش دوللارىن قۇرادى، جيىنتىق اكتيۆتەر 12،4 ملرد اقش دوللارىن، ال اكسيونەرلەردىڭ مەنشىكتى كاپيتالى 1،4 ملرد اقش دوللارىن قۇرادى. وپەراسيالىق قىزمەتتەن كەلىپ تۇسكەن تازا اقشا اعىنى 1،7 ملرد اقش دوللارىنا جەتتى.

Freedom Holding Corp. كومپانياسىنىڭ قۇرامىنا كىرەتىن كومپانيالاردىڭ كليەنتتەرىنىڭ جالپى سانى 7،2 ملن-عا دەيىن ءوستى، وعان 2026 ف. ج. ءىىى توقسانداعى بارلىق بيزنەس سەگمەنت بويىنشا كليەنتتەر قورىنىڭ ءوسۋى كىرەدى: بروكەرلىك شوتتار – 828 مىڭ (145 مىڭنان كوپ)، ساقتاندىرۋ كومپانيالارىنىڭ كليەنتتەرى – 1،2 ملن (8 مىڭنان كوپ)، كورسەتىلەتىن بانك قىزمەتتەرىن پايدالانۋشىلار – 4،5 ملن (1،956 مىڭنان استام)، Freedom SuperApp-تى پايدالانۋشىلار - 4،3 ملن (1،2 ملن-نان كوپ)، قارجىلىق ەمەس كومپانيالاردىڭ كليەنتتەرى – 697 مىڭ (92 مىڭنان كوپ).

Freedom ەكوجۇيەسىنىڭ پەريمەترى بويىنشا سەرىكتەس كومپانيالاردىڭ پايدالانۋشىلارىن ەسكەرە وتىرىپ، كليەنتتەردىڭ جالپى سانى 11 ملن-نان اسادى.

قايتا ساقتاندىرۋدى شەگەرگەندەگى ساقتاندىرۋ سىيلىقاقىسى سالىستىرمالى كەزەڭدە 177،5 ملن اقش دوللارىنا قاراعاندا 106،9 ملن اقش دوللارىن قۇرادى، بۇل رەتتەۋشى بانكتىك جانە ميكروقارجىلىق ونىمدەرگە بايلانىستى پوليستەر جونىندەگى كوميسسياعا ەنگىزگەن ليميتكە بايلانىستى بولدى، بۇل جاڭا بيزنەستىڭ كولەمىن قىسقارتتى.

ساۋدا-ساتتىق باعالى قاعازدارى بويىنشا تازا پايدا 89،6 ملن اقش دوللارىنا قاراعاندا 43،5 ملن اقش دوللارىن قۇرادى، مۇنداي تومەندەۋ كومپانيا 2025 جىلعى 31 جەلتوقسانداعى جاعداي بويىنشا يەلىك ەتكەن باعالى قاعازدار بويىنشا پوزيسيالار قۇنىنىڭ تومەندەۋىنە بايلانىستى ىسكە اسىرىلماعان تازا شىعىنعا بايلانىستى.

شەتەل ۆاليۋتاسىمەن جاسالاتىن وپەراسيالار بويىنشا تازا پايدا قايتا ەسەپتەۋدەن كەلىپ تۇسكەن پايدا ەسەبىنەن 3،9 ملن-مەن سالىستىرعاندا 45،8 ملن-عا دەيىن ۇلعايدى، بۇل نەگىزىنەن اقش دوللارىنا جانە باسقا ۆاليۋتالارعا قاراعاندا قازاقستاندىق تەڭگە باعامىنىڭ نىعايۋىنا بايلانىستى.

جالپى شىعىس 2026 قارجى جىلىنىڭ III توقسانىندا 566،3 ملن اقش دوللارىنا قاراعاندا شامامەن 534،7 ملن اقش دوللارىن قۇرادى، بۇل كوميسسيالىق شىعىستىڭ، ساقتاندىرۋ تولەمدەرىنىڭ، قايتا ساقتاندىرۋدى شەگەرگەندەگى جانە كۇتىلەتىن كرەديتتىك شىعىن رەزەرۆىنىڭ تومەندەۋىمەن بايلانىستى.

2025 جىلعى قازان-جەلتوقسان ايلارىندا «Freedom شاپاعات» كورپوراتيۆتىك قورى ارقىلى ورنىقتى دامۋ جوبالارىن ىسكە اسىرۋعا 18،8 ملن اقش دوللارى جىبەرىلدى.

2025 جىلعى 6 قاراشادا ۆاشينگتوندا (اقش) قازاقستان رەسپۋبليكاسىنىڭ ۇكىمەتى، OpenAI، Inc. جانە Freedom Holding Corp. اراسىنداعى ستراتەگيالىق كەلىسىمگە قول قويۋ ماڭىزدى وقيعا بولدى. قۇجاتتا قازاقستاننىڭ 165 000 پەداگوگىنا كونفيدەنسيالدىلىق پەن دەرەكتەردى باسقارۋ تەتىكتەرى كۇشەيتىلگەن Chatgpt ارنايى ءبىلىم بەرۋ نۇسقاسى سانالاتىن ChatGPT Edu-دى پايدالانۋ مۇمكىندىگىن ۇسىنۋ كوزدەلەدى. كەلىسىم شەڭبەرىندە Freedom Holding Corp. باستامانى قارجىلاندىرۋدى قامتاماسىز ەتەدى، OpenAI ChatGPT Edu پلاتفورماسىن، قازاق جانە ورىس تىلدەرىندە جەرگىلىكتى قولداۋ قىزمەتىن ۇسىنادى، ال قازاقستان رەسپۋبليكاسىنىڭ ۇكىمەتى جوبانى مەملەكەتتىك ورگاندار مەن ءبىلىم بەرۋ ۇيىمدارىنىڭ دەڭگەيىندە ۇيلەستىرۋدى جۇزەگە اسىرادى.