Freedom Holding Corp. 2026 fıskaldyq jylǵy III toqsannyń qarjylaı nátıjelerin jarıalady, dep habarlaıdy Dalanews.kz.

Kompanıa úshin ol 2025 jylǵy 31 jeltoqsanda aıaqtaldy.

«2026 fıskaldyq jylǵy úshinshi toqsannyń qorytyndysy boıynsha Freedom Holding Corp. odan ári ornyqty damýda. Ózgermeli makroekonomıkalyq orta men jańa retteýshi talaptar jaǵdaıynda da biz ótimdiliktiń joǵary kórsetkishterin saqtap, klıentter sanyn turaqty túrde arttyryp alamyz. Bul ıkemdi strategıa men ınovasıaǵa degen ashyq tásildiń arqasynda múmkin bolyp otyr. Biz óz klıentterimiz ben aksıonerlerimiz úshin uzaq merzimdi qundylyq jasap, olardyń senimin saqtap, olarmen birge damý úshin qolymyzdan kelgenniń bárin jasap jatyrmyz», - deıdi Freedom Holding Corp. Bas atqarýshy dırektory Tımýr Týrlov.

2025 jylǵy 31 jeltoqsanda aıaqtalǵan úsh aıdaǵy qarjylyq nátıjelerge sholý

Kompanıanyń jıyntyq túsimi byltyrǵy jyldyń uqsas kezeńindegi 664,6 mln AQSH dollarymen salystyrǵanda 2026 qarjy jylynyń III toqsanynda 628,6 mln AQSH dollaryn qurady. Túsimniń serpini qaıta saqtandyrýdy shegere otyryp alynǵan saqtandyrý syılyqaqysynyń tómendeýine, saýda baǵaly qaǵazdarymen jasalatyn operasıalardan taza qarjylyq nátıjeniń tómendeýine, sondaı-aq komısıalyq kiristiń qysqarýyna baılanysty. Atalǵan nátıjeniń osylaı tómendeýi ishinara shetel valútasymen jasalatyn operasıalar boıynsha taza paıdanyń ósýimen óteldi.

2025 jylǵy 31 jeltoqsandaǵy jaǵdaı boıynsha  qarajat pen onyń balamasynyń, shekteýli qarajat pen ınvestısıalyq baǵaly qaǵazdardyń kólemi 6,6 mlrd AQSH dollaryn qurady, jıyntyq aktıvter 12,4 mlrd AQSH dollaryn, al aksıonerlerdiń menshikti kapıtaly 1,4 mlrd AQSH dollaryn qurady. Operasıalyq qyzmetten kelip túsken taza aqsha aǵyny 1,7 mlrd AQSH dollaryna jetti.

Freedom Holding Corp. kompanıasynyń quramyna kiretin kompanıalardyń klıentteriniń jalpy sany 7,2 mln-ǵa deıin ósti, oǵan 2026 f. j. İİİ toqsandaǵy barlyq bıznes segment boıynsha klıentter qorynyń ósýi kiredi: brokerlik shottar – 828 myń (145 myńnan kóp), saqtandyrý kompanıalarynyń klıentteri – 1,2 mln (8 myńnan kóp), kórsetiletin bank qyzmetterin paıdalanýshylar – 4,5 mln (1,956 myńnan astam), Freedom SuperApp-ty paıdalanýshylar - 4,3 mln (1,2 mln-nan kóp), qarjylyq emes kompanıalardyń klıentteri – 697 myń (92 myńnan kóp).

Freedom ekojúıesiniń perımetri boıynsha seriktes kompanıalardyń paıdalanýshylaryn eskere otyryp, klıentterdiń jalpy sany 11 mln-nan asady.

Qaıta saqtandyrýdy shegergendegi saqtandyrý syılyqaqysy salystyrmaly kezeńde 177,5 mln AQSH dollaryna qaraǵanda 106,9 mln AQSH dollaryn qurady, bul retteýshi banktik jáne mıkroqarjylyq ónimderge baılanysty polıster jónindegi komısıaǵa engizgen lımıtke baılanysty boldy, bul jańa bıznestiń kólemin qysqartty.

Saýda-sattyq baǵaly qaǵazdary boıynsha taza paıda 89,6 mln AQSH dollaryna qaraǵanda 43,5 mln AQSH dollaryn qurady, mundaı tómendeý Kompanıa 2025 jylǵy 31 jeltoqsandaǵy jaǵdaı boıynsha ıelik etken baǵaly qaǵazdar boıynsha pozısıalar qunynyń tómendeýine baılanysty iske asyrylmaǵan taza shyǵynǵa baılanysty.

Shetel valútasymen jasalatyn operasıalar boıynsha taza paıda qaıta esepteýden kelip túsken paıda esebinen 3,9 mln-men salystyrǵanda 45,8 mln-ǵa deıin ulǵaıdy, bul negizinen AQSH dollaryna jáne basqa valútalarǵa qaraǵanda qazaqstandyq teńge baǵamynyń nyǵaıýyna baılanysty.

Jalpy shyǵys 2026 qarjy jylynyń III toqsanynda 566,3 mln AQSH dollaryna qaraǵanda shamamen 534,7 mln AQSH dollaryn qurady, bul komısıalyq shyǵystyń, saqtandyrý tólemderiniń, qaıta saqtandyrýdy shegergendegi jáne kútiletin kredıttik shyǵyn rezerviniń tómendeýimen baılanysty.

2025 jylǵy qazan-jeltoqsan aılarynda «Freedom Shapaǵat» korporatıvtik qory arqyly ornyqty damý jobalaryn iske asyrýǵa 18,8 mln AQSH dollary jiberildi.

2025 jylǵy 6 qarashada Vashıngtonda (AQSH) Qazaqstan Respýblıkasynyń Úkimeti, OpenAI, Inc. jáne Freedom Holding Corp. arasyndaǵy strategıalyq kelisimge qol qoıý mańyzdy oqıǵa boldy. Qujatta Qazaqstannyń 165 000 pedagogyna konfıdensıaldylyq pen derekterdi basqarý tetikteri kúsheıtilgen Chatgpt arnaıy bilim berý nusqasy sanalatyn ChatGPT Edu-dy paıdalaný múmkindigin usyný kózdeledi. Kelisim sheńberinde Freedom Holding Corp. bastamany qarjylandyrýdy qamtamasyz etedi, OpenAI ChatGPT Edu platformasyn, qazaq jáne orys tilderinde jergilikti qoldaý qyzmetin usynady, al Qazaqstan Respýblıkasynyń Úkimeti jobany memlekettik organdar men bilim berý uıymdarynyń deńgeıinde úılestirýdi júzege asyrady.