2026 جىلعى فۋتبولدان ەلەم چەمپيوناتىنىڭ جارتىلاي فينالىندا فرانتسييا قۇراماسى يسپانييادان 0:2 ەسەبٸمەن جەڭٸلگەننەن كەيٸن ەلدٸڭ بٸرنەشە قالاسىندا جاپپاي تەرتٸپسٸزدٸك بولدى, دەپ حابارلايدى dalanews.kz.
ماتچ اياقتالىسىمەن پاريجدە جەنە ٶزگە قالالاردا جانكٷيەرلەر كٶشەگە شىعىپ, پوليتسييامەن قاقتىعىستى. سالدارىنان بٸرنەشە اۆتوكٶلٸك پەن باسقا دا مٷلٸك بٷلٸنگەن.
فرانتسييا بيلٸگٸ مۇنداي جاعدايدىڭ بولۋى مٷمكٸن ەكەنٸن الدىن الا بولجاعان. سەبەبٸ جارتىلاي فينال باستيلييانى الۋ كٷنٸمەن تۇسپا-تۇس كەلدٸ. وسىعان بايلانىستى ەل بويىنشا 70 مىڭ پوليتسييا قىزمەتكەرٸ مەن جاندارم كەزەكشٸلٸككە جۇمىلدىرىلىپ, ولاردىڭ 5 مىڭعا جۋىعى پاريجدە قىزمەت اتقارعان. سونداي-اق تەرتٸپسٸزدٸكتٸڭ الدىن الۋ ٷشٸن ەليسەي الاڭى ۋاقىتشا جابىلدى.
ريا نوۆوستي اگەنتتٸگٸنٸڭ مەلٸمەتٸنشە, پاريج بەن وعان جاقىن ماڭداعى اۋدانداردا 140-تان استام ادام ۇستالدى. ولاردىڭ باسىم بٶلٸگٸ پوليتسيياعا قارسى پيروتەحنيكالىق زاتتاردى قولدانعان. الدىن الا اقپارات بويىنشا, اۋىر جاراقات العاندار جوق.
تەرتٸپسٸزدٸك ليون قالاسىندا دا تٸركەلدٸ. ماتچ ٶتٸپ جاتقان كەزدە بٸر توپ جاس قالا ورتالىعىنداعى بەلكۋر الاڭىنا جينالىپ, كەيٸن پوليتسيياعا قارسى وتشاشۋلار مەن پيروتەحنيكالىق زاتتاردى قولدانعان. قازٸرگٸ ۋاقىتتا زارداپ شەككەندەر نەمەسە ٸرٸ كٶلەمدەگٸ ماتەريالدىق شىعىن تۋرالى اقپارات جارييالانعان جوق.
