الماتىدا جاڭا وقۋ جىلىنا دايىندىق جۇمىستارى اياقتالۋعا جاقىن. 1 قىركٷيەكتە مەگاپوليستە سەگٸز جاڭا مەكتەپ پەن قولدانىستاعى بٸرنەشە بٸلٸم بەرۋ ۇيىمىنا قوسىمشا عيماراتتار پايدالانۋعا بەرٸلەدٸ. سونىڭ ارقاسىندا قالادا 12 مىڭعا جۋىق جاڭا وقۋشى ورنى اشىلىپ, مەكتەپتەردەگٸ ورىن تاپشىلىعىن ازايتۋعا مٷمكٸندٸك تۋادى, دەپ حابارلايدى dalanews.kz.
الماتى قالالىق بٸلٸم باسقارماسى تٷركسٸب اۋدانىنداعى جاڭا №228 جەنە №229 مەكتەپتەردٸڭ دايىندىعىمەن تانىستىردى.
بيىل پايدالانۋعا بەرٸلەتٸن سەگٸز مەكتەپتٸڭ جالپى سىيىمدىلىعى 11 050 ورىندى قۇرايدى. ونىڭ ٸشٸندە تٷركسٸب اۋدانىندا تٶرت جاڭا مەكتەپ اشىلادى. سولاردىڭ بٸرٸ – «تايم سيتي» تۇرعىن ٷي كەشەنٸ ماڭىندا ورنالاسقان №228 جايلى مەكتەبٸ.
زاماناۋي مەكتەپ, جاڭا مٷمكٸندٸكتەر
ۇلتتىق «كەلەشەك مەكتەپتەرٸ» جوباسى اياسىندا سالىنعان №228 مەكتەپ 2000 وقۋشىعا ارنالعان. جالپى اۋماعى 24 مىڭ شارشى مەتردەن اساتىن ٷش قاباتتى بٸلٸم ورداسى زاماناۋي تالاپتارعا تولىق ساي جابدىقتالعان.
مەكتەپتە باستاۋىش, ورتا جەنە جوعارى سىنىپتارعا ارنالعان 96 وقۋ كابينەتٸ بار. ونىڭ ٸشٸندە ينفورماتيكا جەنە تسيفرلىق ساۋاتتىلىق كابينەتتەرٸ, حيمييا مەن بيوتەحنولوگييا, فيزيكا جەنە نانوتەحنولوگييا, بيولوگييا زەرتحانالارى, STEM زەرتحاناسى مەن روبوتوتەحنيكا كابينەتٸ قاراستىرىلعان.
سونداي-اق وقۋشىلارعا ارنالعان جەكە لوكەرلەر ورناتىلىپ, دەمالىس ايماقتارى جاساقتالعان. مەكتەپتە ينكليۋزييا كابينەتٸ, سەنسورلىق بٶلمە, حورەوگرافييا زالى جۇمىس ٸستەيدٸ.
جاڭا مەكتەپتٸڭ باستى ەرەكشەلٸكتەرٸنٸڭ بٸرٸ – قاۋٸپسٸزدٸك جٷيەسٸنٸڭ كٷشەيتٸلۋٸ. بٸلٸم بەرۋ ۇيىمى بەينەباقىلاۋ جٷيەسٸمەن جەنە Face ID ارقىلى كٸرۋ باقىلاۋىمەن جابدىقتالعان. عيمارات 10 بالدان جوعارى سەيسميكالىق بەلسەندٸلٸككە تٶتەپ بەرەتٸن تالاپتارعا ساي سالىنعان.
سپورت پەن شىعارماشىلىققا جاعداي جاسالعان
مەكتەپ اۋماعىندا فۋتبول الاڭى, ەمبەباپ سپورت الاڭدارى جەنە تەننيس كورتتارى ورنالاسقان.
تٶرت سپورت زالىنىڭ ەكەۋٸ باستاۋىش, ەكەۋٸ جوعارى سىنىپ وقۋشىلارىنا ارنالعان. سونىمەن قاتار 330 ورىندىق اكت زالى جەنە 440 ورىندىق اسحانا قاراستىرىلعان.
وقۋشىلاردىڭ شىعارماشىلىق جەنە تۇرمىستىق داعدىلارىن دامىتۋعا ارنالعان ارنايى شەبەرحانالار دا جۇمىس ٸستەيدٸ. «تاماقتانۋ مەدەنيەتٸ», «ٷي مەدەنيەتٸ», «ديزاين جەنە تەحنولوگييا» كابينەتتەرٸندە بالالار دۇرىس تاماقتانۋ, تۇرمىستىق مەدەنيەت, تٸگٸن جەنە ديزاين نەگٸزدەرٸن مەڭگەرەدٸ.
جاڭا مەكتەپتەر قاي اۋدانداردا اشىلادى?
جاڭا وقۋ جىلىندا الاتاۋ اۋدانىندا ٷش مەكتەپ, تٷركسٸب اۋدانىندا تٶرت مەكتەپ, جەتٸسۋ اۋدانىندا بٸر مەكتەپ پايدالانۋعا بەرٸلەدٸ.
اتاپ ايتقاندا:
- №230 مەكتەپ – 2000 ورىن;
- №231 مەكتەپ – 1200 ورىن;
- №178 مەكتەپ – 550 ورىن;
- №226 مەكتەپ – 600 ورىن;
- №227 مەكتەپ – 1500 ورىن;
- №228 مەكتەپ – 2000 ورىن;
- №229 مەكتەپ – 2000 ورىن;
- №225 مەكتەپ – 1200 ورىن.
بۇدان بٶلەك, №112 جەنە №16 مەكتەپتەرگە ەرقايسىسى 300 ورىندىق قوسىمشا عيماراتتار سالىنعان.
جالپى العاندا, مەملەكەتتٸك قولداۋ اياسىندا الماتىدا سوڭعى جىلدارى 34 800 ورىندىق 21 «كەلەشەك مەكتەبٸ» پايدالانۋعا بەرٸلگەن.
بٸرٸنشٸ سىنىپقا 31 مىڭنان استام بالا قابىلداندى
جاڭا وقۋ جىلىندا الماتى مەكتەپتەرٸندە شامامەن 356 مىڭ وقۋشى بٸلٸم الادى. بۇل ٶتكەن جىلمەن سالىستىرعاندا شامامەن 3 پايىزعا كٶپ.
26 تامىزداعى جاعداي بويىنشا بٸرٸنشٸ سىنىپقا 31 602 بالا قابىلدانعان. ونىڭ ٸشٸندە 28 843 وقۋشى مەملەكەتتٸك, 2759 وقۋشى جەكەمەنشٸك مەكتەپتەرگە بارادى.
ەلەۋمەتتٸك قولداۋ شارالارى اياسىندا «مەكتەپكە جول» اكتسيياسى بويىنشا 7669 بالاعا مەكتەپ فورماسى مەن وقۋ قۇرالدارىن ساتىپ الۋ ٷشٸن 460 ميلليون تەڭگە بٶلٸنگەن. سونىمەن قاتار جاڭا وقۋ جىلىندا 133 مىڭ بالا تەگٸن ىستىق تاماقپەن قامتىلادى.
11 مىڭنان استام وقۋشى مەكتەپ اۆتوبۋسىمەن قاتىنايدى
باسپاسٶز تۋرى بارىسىندا جۋرناليستەرگە «مەكتەپ اۆتوبۋسى» جوباسى دا تانىستىرىلدى.
جوبا اياسىندا قالاداعى 60 مەكتەپتٸڭ 11 مىڭنان استام وقۋشىسى تاسىمالداۋمەن قامتىلادى. ول ٷشٸن 250 ارنايى اۆتوبۋس قىزمەت كٶرسەتەدٸ. بۇل ەسٸرەسە قالانىڭ شالعاي اۋداندارىندا تۇراتىن بالالار ٷشٸن ماڭىزدى.
ەكٸمدٸك تۇرعىندارعا ٷندەۋ جاسادى
الماتى قالاسىنىڭ ەكٸمدٸگٸ جاڭا وقۋ جىلىنىڭ باستالۋىنا بايلانىستى قالا كٶشەلەرٸندە كٶلٸك جٷكتەمەسٸ ايتارلىقتاي ارتۋى مٷمكٸن ەكەنٸن ەسكەرتتٸ.
قالا قىزمەتتەرٸ جول قوزعالىسىن رەتتەۋ جەنە كەپتەلٸستٸ ازايتۋ ٷشٸن قاجەتتٸ شارالاردى قابىلداپ جاتقانىن اتاپ ٶتكەن ەكٸمدٸك تۇرعىنداردى قىركٷيەكتٸڭ العاشقى كٷندەرٸ مٷمكٸندٸگٸنشە قوعامدىق كٶلٸكتٸ پايدالانۋعا شاقىردى.
مامانداردىڭ ايتۋىنشا, بۇل قالا جولدارىنداعى, ەسٸرەسە مەكتەپتەردٸڭ ماڭىنداعى كٶلٸك قوزعالىسىن جەڭٸلدەتٸپ, بالالاردىڭ قاۋٸپسٸزدٸگٸن قامتاماسىز ەتۋگە كٶمەكتەسەدٸ.
وسىلايشا الماتى جاڭا وقۋ جىلىن جاڭا مەكتەپتەرمەن, قوسىمشا وقۋشى ورىندارىمەن, جاڭارتىلعان ينفراقۇرىلىممەن جەنە قاۋٸپسٸز بٸلٸم بەرۋ ورتاسىمەن قارسى الماق.
