«ەۋرازيا الەمى» پىكىرسايىس كلۋبىندا ءدال تاقىرىپ تالقىعا سالىنىپ، جيىنعا قاتىسقاندار ءوز وي-پىكىرلەرىن ورتاعا سالدى. ايتالىق، ساياساتتانۋشى ەدۋارد پولەتايەۆتىڭ پىكىرىنشە قازاقستان وسىناۋ وداقتىڭ اياسىندا ناقتى ەكونوميكاعا باسىمدىق بەرىپ وتىر. ياعني، مۇنداي جاعدايدا ەكونوميكانىڭ بارلىق سالالارى ەسكەرىلەدى. ال ارمەنيا ءۇشىن بۇل وداق ەڭبەك كۇشى جاعىنان ءتيىمدى بولماق. «الايدا ترەندتەردى انىقتاۋ ءۇشىن الدىمەن وداقتاس ەلدەردىڭ ەكونوميكالىق دامۋ ستراتەگياسىن بەكىتۋ قاجەت. ياعني، بۇعان تەحنولوگيالىق دامۋ، بيزنەس-اۋحال جانە جاھاندانۋ جاعدايىنداعى باسەكەلەستىك تالاپتارى كىرەدى » دەدى ول ءوز سوزىندە. ال قازاق-نەمىس ۋنيۆەرسيتەتىنىڭ جانىنداعى حالىقارالىق جانە ايماقتىق ارىپتەستىك ينستيتۋتىنىڭ ديرەكتورى بولات سۇلتانوۆتىڭ پىكىرىنشە ، بۇل تۋرالى ماسەلە كوتەرۋگە ءالى ەرتە. «سەبەبى، ءدال ءقازىر وداق ۇلكەن قىسىمعا ۇشىراۋدا. مۇناي باعاسى تومەندەپ كەتتى، جانارماي ارزاندادى. بۇل دۇرىس تا شىعار. ءبىراق وداقتاس ەلدەردىڭ اراسىنا ىرىتكى سالۋدى ويلايتىندار مۇنى ءوز پايداسىنا قولدانۋى مۇمكىن» دەدى ول ءسوز سوزىندە.
«شىعىس-باتىس ستراتەگياسى» ساراپتامالىق ورتالىعىنىڭ (قىرعىزستان) ديرەكتورى دميتريي ورلوۆ «ترەندتەردى بەلگىلەۋ ءۇشىن وسى وداققا بىرىككەن ەلدەر وداق اياسىندا جاڭا ەكونوميكالىق دامۋدىڭ ۇلگىسىن انىقتاۋ قاجەتتىگىن» ايتتى. ءوز كەزەگىندە ترەندتى قالىپتاستىرۋدا اقپاراتتىق قامسىزداندىرۋدىڭ ورنىن بولەك ەكەنىن تىلگە تيەك ەتكەن «بالاما» وزەكتى زەرتتەۋلەر ورتالىعىنىڭ ديرەكتورى، ساياساتتانۋشى اندرەي چەبوتاريەۆ: «ءيا، ەۋرازيالىق وداقتىڭ باسپا ءسوز قىزمەتى بار. الايدا وسى وداقتىڭ جارناماسىن جاساۋ، ونىڭ قانداي جاقسىلىقتارى بولارىن ايتۋ، بۇگىنگە دەيىن اتقارىلعان ىستەردىڭ ناتيجەلەرىن جاريالاۋ جاعىنان ولاردىڭ جۇمىسى ازدىق ەتىپ وتىر» دەدى. جيىندى تۇيىندەگەن «الماگەست» كونسالتينگىلىك كومپانياسىنىڭ ديرەكتورى ايدارحان قۇسايىنوۆ ساياساتتانۋشىنىڭ سوزىمەن كەلىسەتىنىن ايتىپ، ءدال ءقازىر اقپاراتتىق سوعىس ءجۇرىپ جاتقانىن، سوعان قاراماي ەۋرازيالىق وداق ءوزىنىڭ ەڭ باستى ماقساتىنان ايىرىلماۋى كەرەكتىگىن تىلگە تيەك ەتتى.
