EÝRAZIIaLYQ ODAQ: BASTY TREND QANDAI?
«Eýraziia álemi» pikirsaiys klýbynda dál taqyryp talqyǵa salynyp, jiynǵa qatysqandar óz oi-pikirlerin ortaǵa saldy. Aitalyq, saiasattanýshy Edýard Poletaevtyń pikirinshe Qazaqstan osynaý odaqtyń aiasynda naqty ekonomikaǵa basymdyq berip otyr. Iaǵni, mundai jaǵdaida ekonomikanyń barlyq salalary eskeriledi. Al Armeniia úshin bul odaq eńbek kúshi jaǵynan tiimdi bolmaq. «Alaida trendterdi anyqtaý úshin aldymen odaqtas elderdiń ekonomikalyq damý strategiiasyn bekitý qajet. Iaǵni, buǵan tehnologiialyq damý, biznes-aýhal jáne jahandaný jaǵdaiyndaǵy básekelestik talaptary kiredi » dedi ol óz sózinde. Al Qazaq-nemis ýniversitetiniń janyndaǵy halyqaralyq jáne aimaqtyq áriptestik institýtynyń direktory Bolat Sultanovtyń pikirinshe , bul týraly másele kóterýge áli erte. «Sebebi, dál qazir odaq úlken qysymǵa ushyraýda. Munai baǵasy tómendep ketti, janarmai arzandady. Bul durys ta shyǵar. Biraq odaqtas elderdiń arasyna iritki salýdy oilaityndar muny óz paidasyna qoldanýy múmkin» dedi ol sóz sózinde.
«Shyǵys-Batys strategiiasy» saraptamalyq ortalyǵynyń (Qyrǵyzstan) direktory Dmitrii Orlov «trendterdi belgileý úshin osy odaqqa birikken elder odaq aiasynda jańa ekonomikalyq damýdyń úlgisin anyqtaý qajettigin» aitty. Óz kezeginde trendti qalyptastyrýda aqparattyq qamsyzdandyrýdyń ornyn bólek ekenin tilge tiek etken «Balama» ózekti zertteýler ortalyǵynyń direktory, saiasattanýshy Andrei Chebotarev: «Iá, Eýraziialyq odaqtyń baspasóz qyzmeti bar. Alaida osy odaqtyń jarnamasyn jasaý, onyń qandai jaqsylyqtary bolaryn aitý, búginge deiin atqarylǵan isterdiń nátijelerin jariialaý jaǵynan olardyń jumysy azdyq etip otyr» dedi. Jiyndy túiindegen «Almagest» konsaltingilik kompaniiasynyń direktory Aidarhan Qusaiynov saiasattanýshynyń sózimen kelisetinin aityp, dál qazir aqparattyq soǵys júrip jatqanyn, soǵan qaramai Eýraziialyq odaq óziniń eń basty maqsatynan aiyrylmaýy kerektigin tilge tiek etti.
