قاراعاندى وبلىسى بويىنشا ەكونوميكالىق تەرگەۋ دەپارتامەنتٸنٸڭ (ەتد) ٶندٸرٸسٸندە “تاس بۇلاق” دەمالىس ٷيٸن رەيدەرلٸك جولمەن باسىپ الۋعا قاتىستى قىلمىستىق ٸس تەرگەلٸپ جاتقانى بەلگٸلٸ بولدى. بۇل تۋرالى باس پروكۋراتۋرا مەلٸمدەدٸ, دەپ حابارلايدى Dalanews.kz.
كازتاگ اگەنتتٸگٸ باس پروكۋراتۋراعا سكوروبوگاتوۆقا قاتىستى ساۋال جولدادى.
“قازٸرگٸ ۋاقىتتا قاراعاندى وبلىسى بويىنشا ەكونوميكالىق تەرگەۋ دەپارتامەنتٸنٸڭ ٶندٸرٸسٸندە قىلمىستىق ٸس قارالىپ جاتىر. قازاقستان رەسپۋبليكاسىنىڭ قىلمىستىق-پروتسەستٸك كودەكسٸنٸڭ 201-بابىنا سەيكەس, تەرگەۋ بارىسىنداعى مەلٸمەتتەر جارييالانبايدى”, – دەپ جاۋاپ بەردٸ باس پروكۋراتۋرا.
ەسكە سالا كەتەيٸك, 17 قاڭتاردا كازتاگ اگەنتتٸگٸ كەسٸپكەر تالعات اكۋوۆتىڭ “ەۋرازييالىق بانك” اق توپ-مەنەدجەرٸ كونستانتين سكوروبوگاتوۆتى “تاس بۇلاق” دەمالىس ٷيٸن رەيدەرلٸك جولمەن باسىپ الۋعا قاتىسى بار دەپ ايىپتاعانىن حابارلاعان بولاتىن.
“2014 جىلى سكوروبوگاتوۆ "ەۋرازييالىق بانكتٸڭ" فيرمالىق بلانكٸسٸندە ٶزٸن بانك ديرەكتورى دەپ كٶرسەتٸپ قول قويعان. بۇل – قۇجاتتاردى قولدان جاساۋدىڭ ايقىن دەلەلٸ! شىن مەنٸندە, سكوروبوگاتوۆ ەشقاشان "ەۋرازييالىق بانكتٸڭ" ديرەكتورى بولماعان. مەنٸڭ ٶتٸنٸشٸمە سەيكەس, قاراعاندى قالاسىنداعى تەرگەۋشٸ بۇل مەسەلە بويىنشا سكوروبوگاتوۆتى سۇراققا العان. الايدا ول ٶزٸنە ديرەكتور لاۋازىمى تاعايىندالعانى تۋرالى بۇيرىقتى, جالاقىسى مەن زەينەتاقى قورىنان ٷزٸندٸ كٶشٸرمەلەردٸ ۇسىنا الماعان. بۇل ونىڭ جالعان قۇجاتتار جاساپ, ٶزٸن ديرەكتور رەتٸندە كٶرسەتٸپ, جالعان حاتتار تاراتقانىن دەلەلدەيدٸ”, – دەدٸ اكۋوۆ "كازتاگ" رەداكتسيياسىنا بەرگەن مەلٸمدەمەسٸندە.
اكۋوۆتىڭ ايتۋىنشا, سكوروبوگاتوۆ "ەۋرازييالىق بانكتٸڭ" ديرەكتورى رەتٸندە جالعان حاتتار دايىنداپ, ولاردى قاراعاندى وبلىسى ەكٸمدٸگٸنە, جٷزدەگەن تۋريستٸك ۇيىمدارعا جەنە "اتامەكەن" كەسٸپكەرلەر پالاتاسىنا جٸبەرگەن. بۇل ەرەكەتتەر زاڭسىز دەپ تانىلىپ, قىلمىستىق جاۋاپكەرشٸلٸككە جاتادى.
اتالعان مەسەلەگە قاتىستى "ەۋرازييالىق بانكتٸڭ" باسپاسٶز قىزمەتٸ تٷسٸنٸكتەمە بەردٸ.
“سكوروبوگاتوۆ "ەۋرازييالىق بانكتە" اتقارۋشى ديرەكتور قىزمەتٸن اتقارىپ كەلەدٸ. تالعات جاۋدوۆيچ اكۋوۆتىڭ بٸزگە جەنە سكوروبوگاتوۆقا قاتىستى "رەيدەرلٸك ەرەكەتتەر" جايلى ايىپتاۋلارى 2017 جىلدان بەرٸ ەرتٷرلٸ ينستانتسيياعا تۇراقتى تٷردە جولدانىپ كەلەدٸ. وسى ۋاقىت ارالىعىندا ونىڭ ارىزدارى بويىنشا قۇقىق قورعاۋ ورگاندارى, ازاماتتىق سوتتار جەنە قازاقستان رەسپۋبليكاسىنىڭ جوعارعى سوتى مەسەلەلەردٸ جان-جاقتى قاراستىردى. نەتيجەسٸندە, ارىزداردا كەلتٸرٸلگەن بٸردە-بٸر دەرەك راستالمادى”, – دەپ حابارلادى "كازتاگ" اگەنتتٸگٸنە بانك ٶكٸلدەرٸ.
سونىمەن قاتار قارجى مەكەمەسٸ سوتتاردىڭ اكۋوۆقا قاتىستى قارىزداردى ٶندٸرٸپ الۋ جەنە مٷلٸكتٸ تەركٸلەۋ تۋرالى شەشٸمدەرٸن زاڭدى ەرٸ نەگٸزدٸ دەپ تانىلعانىن اتاپ ٶتتٸ. ال اكۋوۆتىڭ شاعىمدارى قاناعاتتاندىرىلماعان.
“اكۋوۆتىڭ كٶپتەگەن شاعىمى بويىنشا قوزعالعان قىلمىستىق ٸستەردٸڭ نەتيجەسٸندە بانكتٸڭ قىزمەتكەرلەرٸ نەمەسە باسقا تۇلعالار تاراپىنان قانداي دا بٸر زاڭ بۇزۋشىلىقتار انىقتالعان جوق. سوندىقتان "ەۋرازييالىق بانك" اكۋوۆتىڭ ٶزٸنە جەنە سكوروبوگاتوۆقا قاتىستى ايىپتاۋلارىن جالعان دەپ ەسەپتەيدٸ”, – دەلٸنگەن بانكتٸڭ مەلٸمدەمەسٸندە.
