Qaraǵandy oblysy boiynsha Ekonomikalyq tergeý departamentiniń (ETD) óndirisinde “Tas bulaq” demalys úiin reiderlik jolmen basyp alýǵa qatysty qylmystyq is tergelip jatqany belgili boldy. Bul týraly Bas prokýratýra málimdedi, dep habarlaidy Dalanews.kz.
KazTAG agenttigi Bas prokýratýraǵa Skorobogatovqa qatysty saýal joldady.
“Qazirgi ýaqytta Qaraǵandy oblysy boiynsha Ekonomikalyq tergeý departamentiniń óndirisinde qylmystyq is qaralyp jatyr. Qazaqstan Respýblikasynyń Qylmystyq-protsestik kodeksiniń 201-babyna sáikes, tergeý barysyndaǵy málimetter jariialanbaidy”, – dep jaýap berdi Bas prokýratýra.
Eske sala keteiik, 17 qańtarda KazTAG agenttigi kásipker Talǵat Akýovtyń “Eýraziialyq bank” AQ top-menedjeri Konstantin Skorobogatovty “Tas bulaq” demalys úiin reiderlik jolmen basyp alýǵa qatysy bar dep aiyptaǵanyn habarlaǵan bolatyn.
“2014 jyly Skorobogatov "Eýraziialyq banktiń" firmalyq blankisinde ózin bank direktory dep kórsetip qol qoiǵan. Bul – qujattardy qoldan jasaýdyń aiqyn dáleli! Shyn máninde, Skorobogatov eshqashan "Eýraziialyq banktiń" direktory bolmaǵan. Meniń ótinishime sáikes, Qaraǵandy qalasyndaǵy tergeýshi bul másele boiynsha Skorobogatovty suraqqa alǵan. Alaida ol ózine direktor laýazymy taǵaiyndalǵany týraly buiryqty, jalaqysy men zeinetaqy qorynan úzindi kóshirmelerdi usyna almaǵan. Bul onyń jalǵan qujattar jasap, ózin direktor retinde kórsetip, jalǵan hattar taratqanyn dáleldeidi”, – dedi Akýov "KazTAG" redaktsiiasyna bergen málimdemesinde.
Akýovtyń aitýynsha, Skorobogatov "Eýraziialyq banktiń" direktory retinde jalǵan hattar daiyndap, olardy Qaraǵandy oblysy ákimdigine, júzdegen týristik uiymdarǵa jáne "Atameken" kásipkerler palatasyna jibergen. Bul áreketter zańsyz dep tanylyp, qylmystyq jaýapkershilikke jatady.
Atalǵan máselege qatysty "Eýraziialyq banktiń" baspasóz qyzmeti túsinikteme berdi.
“Skorobogatov "Eýraziialyq bankte" atqarýshy direktor qyzmetin atqaryp keledi. Talǵat Jaýdovich Akýovtyń bizge jáne Skorobogatovqa qatysty "reiderlik áreketter" jaily aiyptaýlary 2017 jyldan beri ártúrli instantsiiaǵa turaqty túrde joldanyp keledi. Osy ýaqyt aralyǵynda onyń aryzdary boiynsha quqyq qorǵaý organdary, azamattyq sottar jáne Qazaqstan Respýblikasynyń Joǵarǵy soty máselelerdi jan-jaqty qarastyrdy. Nátijesinde, aryzdarda keltirilgen birde-bir derek rastalmady”, – dep habarlady "KazTAG" agenttigine bank ókilderi.
Sonymen qatar qarjy mekemesi sottardyń Akýovqa qatysty qaryzdardy óndirip alý jáne múlikti tárkileý týraly sheshimderin zańdy ári negizdi dep tanylǵanyn atap ótti. Al Akýovtyń shaǵymdary qanaǵattandyrylmaǵan.
“Akýovtyń kóptegen shaǵymy boiynsha qozǵalǵan qylmystyq isterdiń nátijesinde banktiń qyzmetkerleri nemese basqa tulǵalar tarapynan qandai da bir zań buzýshylyqtar anyqtalǵan joq. Sondyqtan "Eýraziialyq bank" Akýovtyń ózine jáne Skorobogatovqa qatysty aiyptaýlaryn jalǵan dep esepteidi”, – delingen banktiń málimdemesinde.
