الماتى وبلىسىنان باستاۋ العان اكتسييا اياسىندا عالىمداردان, تٷرلٸ ەتنوس جاستارىنان قۇرالعان ەكسپەديتسييا مٷشەلەرٸ ەلٸمٸزدەگٸ تاريحي-مەدەني ەسكەرتكٸشتەرمەن تانىسىپ, كيەلٸ ورىنداردا تازالىق جۇمىستارىن جٷرگٸزۋدە.
بٷگٸن اكتسييا ەستافەتاسىن جامبىل وبلىسىنىڭ جاستارى تٷركٸستان وبلىسىنا تابىستادى. شىمكەنتتەگٸ «قازاقستان حالقى اسسامبلەياسى» عيماراتىندا ٶتكەن شاراعا جامبىل وبلىسىنىڭ دەلەگاتسيياسى, تٷركٸستان وبلىستىق «قوعامدىق كەلٸسٸم» كمم قىزمەتكەرلەرٸ, ەتنومەدەني بٸرلەستٸكتەردٸڭ ٶكٸلدەرٸ, «جاڭعىرۋ جولى» رەسپۋبليكالىق جاستار قوزعالىسى ٶڭٸرلٸك شتابىنىڭ مٷشەلەرٸ قاتىستى.
جيىندى تٷركٸستان وبلىستىق «قوعامدىق كەلٸسٸم» كمم باسشىسى ەربول بايقوناقوۆ اشىپ, جوبانىڭ ماڭىزىنا توقتالدى.
«رۋحاني جاڭعىرۋ» باعدارلاماسى اياسىندا ٶتٸپ جاتقان ٸس-شارا قازاقستاننىڭ باي مەدەني مۇراسىمەن جاستاردىڭ تەرەڭ تانىسۋىنا مٷمكٸندٸك بەرەدٸ. سول ارقىلى جاس ۇرپاقتىڭ تۋعان جەرگە دەگەن سٷيٸسپەنشٸلٸگٸن ارتتىرىپ, قازاقستاندىق بٸرەگەيلٸكتٸ, ەلدٸڭ بٸرلٸگٸن نىعايتۋ كٶزدەلۋدە. اكتسييا بارىسىندا ۇيىمداستىرىلاتىن ەكو-سەنبٸلٸكتەر قاسيەتتٸ نىسانداردى كٷتٸپ, قاستەرلەۋدٸڭ ماڭىزدىلىعىن ارتىرادى,- دەيدٸ ەربول سٷلەيمەنۇلى.
جيىننان كەيٸن ەكسپەديتسييا مٷشەلەرٸ ٶڭٸرٸمٸزدەگٸ تاريحي-مەدەني ورىندارعا جول تارتتى. ولار بٷگٸن «وتىرار تٶبە» قالاشىعىنا, وتىرار مەملەكەتتٸك ارحەولوگييالىق قورىق-مۇراجايىنا, «ارىستانباب» كەسەنەسٸنە, تٷركٸستانداعى وبلىستىق تاريحي-مەدەني ەتنوگرافييالىق ورتالىعىنا, «ەزٸرەت سۇلتان» مەملەكەتتٸك قورىق-مۇراجايىنا بارىپ, تاريحي قۇندىلىقتارىمەن تانىسادى.
ايتا كەتۋ كەرەك, «ۇلى دالا ەلٸنٸڭ كيەلٸ مۇراسى» رەسپۋبليكالىق تاريحي-ەكولوگييالىق اكتسيياسى ٷش كەزەڭنەن تۇرادى. بٸرٸنشٸ كەزەڭ 5-9 مامىر ارالىعىندا جەڭٸس كٷنٸنە وراي «قامقور» اتاۋىمەن ٶتتٸ. ەكٸنشٸ كەزەڭدە, ياعني 28-37 مامىر ارالىعىندا «تاعزىم» اكتسيياسى اياسىندا ساياسي قۋعىن-سٷرگٸن قۇرباندارى ەسكە الىندى.
ەلٸمٸزدٸڭ بارلىق ايماعىندا ٶتٸپ جاتقان اكتسييا 15-18 تامىز كٷندەرٸ «جاڭعىرۋ جولى» رەسپۋبليكالىق جاستار قوزعالىسى مٷشەلەرٸنٸڭ قاتىسۋىمەن الماتى وبلىسىندا قورىتىندىلانادى.
