كەلەسى وقۋ جىلىندا 1-توقسان تولىقتاي قاشىقتىقتان وقۋمەن باستالماق، سەبەبى بۇل قازىرگى ۋاقىت تالابى، بالانىڭ، وقۋشىنىڭ، حالىقتىڭ دەنساۋلىعى. مۇنى ءبارىمىز دە تۇسىنەمىز. وسى ورايدا، ۇنەمى ءبىلىم سالاسىنىڭ دامۋىنا بەلسەندىلىكپەن ءوز ۇلەسىن قوسىپ، قازاقستان حالقى ءۇشىن، ۇستازدار ءۇشىن تالماي ەڭبەكتەنىپ كەلە جاتقان «ورلەۋ» بىلىكتىلىكتى ارتتىرۋ ۇلتتىق ورتالىعىنىڭ تاباندى ەڭبەگىن اتاپ ءوتۋدىڭ ەش ارتىقتىعى جوق دەپ ەسەپتەيمىن.
ماۋسىم ايىنان باستاپ ورلەۋلىكتەر كۋرس ساباقتارىن وتكىزۋمەن قاتار جاڭا وقۋ جىلىنىڭ دايىندىعىنا كىرىسىپ كەتتى. قاشىقتىقتان وقىتۋدى ادىستەمەلىك قولداۋ ماقساتىندا قازاقستان بويىنشا بارلىق فيليال وقىتۋشىلارى ءپان مۇعالىمدەرىمەن بىرلەسىپ سيفرلىق ساباقتار ءتۇسىرۋدى باستادى. «ورلەۋ» باۇو» اق فيليالى الماتى قالاسى بويىنشا پق باي ۇلەسىندە اعىلشىن ءتىلى 8-11 سىنىپ جانە حيميا 7-9 سىنىپ ساباقتارىن ازىرلەۋدە.
حيميا ءپانى وقۋشىلاردىڭ تۇسىنۋىنە قيىن دەپ ايتادى. مۇنى كەز كەلگەن اداممەن سويلەسكەندە وسى ءپاندى مەكتەپتە وقۋ ماعان قيىنعا سوعۋشى ەدى دەگەن پىكىرلەردى ەستىپ ءجۇرمىز. سوندىقتان قاشىقتىقتان وقۋ كەزىندە، ونسىز دا قيىن ءپان دەپ ەسەپتەلەتىن حيميانى، وقۋشىلاردىڭ تۇسىنۋىنە، قىزىعۋىنا، ساباق وقۋ كەزىندە قيىندىقتار تۋماۋىنا جاعداي جاساۋ مىندەتتەلدى.
1-توقسان بويىنشا حيميا پانىنەن 7-9 سىنىپتار ارالىعىندا ەكى تىلدە 74 ساباق تۇسىرىلەدى. وسى ساباقتاردى تۇسىرۋدە «التىن ۋاقىتتارىن» ءبولىپ، ەڭبەك دەمالىسىندا جۇرسە دە «ۇستازدار ۇيىمەن» تىعىز قارىم-قاتىناستا ەڭبەكتەنىپ جاتقان الماتى قالاسىنىڭ حيميا ءپانى مۇعالىمدەرىن اتاپ وتكەنىمىز ورىندى بولار. اسىرەسە، 9-سىنىپتار بويىنشا №61 مەكتەپتەن گايدۋك سەرگەي نيكولايەۆيچ پەن «اراي» ورتالىعىنان سەيسەنبايەۆا ايگۋل سايلاۋوۆنا، نزم-نەن ابەۋ نۇركەلدى، 8-سىنىپتار بويىنشا تەفمش جەكەمەنشىك مەكتەبىنەن پريحودكو البينا الەكساندروۆنا مەن №105 مگ اكيمجانوۆا دينارا سەمبايەۆنا، №153مگ مىرزاليموۆا مۋكاداس، №126 مل احتازينا بۇلبۇل، №164 كيناياتوۆا مارحابات سوۆەتبەك قىزى، №100 مەكتەپتەن الداجاروۆا مارجان سەريككازييەۆنا، 7-سىنىپتار بويىنشا №3 جببم، ىلە اۋدانى كالييەۆا انارا گازيزوۆنالاردى ەرەكشە اتاپ وتكەن ءجون. وسىنداي ۇستازدارى بار مەكتەپتەردىڭ ديرەكتورلارىنا دا العىسىمىز شەكسىز. ەڭبەكتەرىڭىزگە تولاعاي تابىستار مەن زور دەنساۋلىق تىلەيمىز!
ا. راكيشيەۆا
