Erlikpen para-par eńbek
Kelesi oqý jylynda 1-toqsan tolyqtai qashyqtyqtan oqýmen bastalmaq, sebebi bul qazirgi ýaqyt talaby, balanyń, oqýshynyń, halyqtyń densaýlyǵy. Muny bárimiz de túsinemiz. Osy oraida, únemi bilim salasynyń damýyna belsendilikpen óz úlesin qosyp, Qazaqstan halqy úshin, ustazdar úshin talmai eńbektenip kele jatqan «Órleý» Biliktilikti arttyrý ulttyq ortalyǵynyń tabandy eńbegin atap ótýdiń esh artyqtyǵy joq dep esepteimin.
Maýsym aiynan bastap Órleýlikter kýrs sabaqtaryn ótkizýmen qatar jańa oqý jylynyń daiyndyǵyna kirisip ketti. Qashyqtyqtan oqytýdy ádistemelik qoldaý maqsatynda Qazaqstan boiynsha barlyq filial oqytýshylary pán muǵalimderimen birlesip tsifrlyq sabaqtar túsirýdi bastady. «Órleý» BAUO» AQ filialy Almaty qalasy boiynsha PQ BAI úlesinde aǵylshyn tili 8-11 synyp jáne himiia 7-9 synyp sabaqtaryn ázirleýde.
Himiia páni oqýshylardyń túsinýine qiyn dep aitady. Muny kez kelgen adammen sóileskende osy pándi mektepte oqý maǵan qiynǵa soǵýshy edi degen pikirlerdi estip júrmiz. Sondyqtan qashyqtyqtan oqý kezinde, onsyz da qiyn pán dep esepteletin himiiany, oqýshylardyń túsinýine, qyzyǵýyna, sabaq oqý kezinde qiyndyqtar týmaýyna jaǵdai jasaý mindetteldi.
1-toqsan boiynsha himiia páninen 7-9 synyptar aralyǵynda eki tilde 74 sabaq túsiriledi. Osy sabaqtardy túsirýde «altyn ýaqyttaryn» bólip, eńbek demalysynda júrse de «Ustazdar úiimen» tyǵyz qarym-qatynasta eńbektenip jatqan Almaty qalasynyń himiia páni muǵalimderin atap ótkenimiz oryndy bolar. Ásirese, 9-synyptar boiynsha №61 mektepten Gaidýk Sergei Nikolaevich pen «Arai» ortalyǵynan Seisenbaeva Aigýl Sailaýovna, NZM-nen Ábeý Nurkeldi, 8-synyptar boiynsha TEFMSh jekemenshik mektebinen Prihodko Albina Aleksandrovna men №105 MG Akimjanova Dinara Sembaevna, №153MG Myrzalimova Mýkadas, №126 ML Ahtazina Bulbul, №164 Kinaiatova Marhabat Sovetbekqyzy, №100 mektepten Aldajarova Marjan Serikkazievna, 7-synyptar boiynsha №3 JBBM, Ile aýdany Kalieva Anara Gazizovnalardy erekshe atap ótken jón. Osyndai ustazdary bar mektepterdiń direktorlaryna da alǵysymyz sheksiz. Eńbekterińizge tolaǵai tabystar men zor densaýlyq tileimiz!
A. Rakisheva
