قازاقستاننىڭ ۆيتسە-پرەزيدەنتٸ ەرلان قارين ماڭعىستاۋ وبلىسىنداعى قايعىلى وقيعاعا بايلانىستى قازا تاپقان ەسكەري قىزمەتشٸلەردٸڭ وتباسىلارىنا كٶڭٸل ايتىپ, حالىقتى سابىر مەن بٸرلٸككە شاقىردى, دەپ حابارلايدى dalanews.kz.
ونىڭ ايتۋىنشا, جالپىۇلتتىق ازا تۇتۋ كٷنٸنە بايلانىستى ەلدەگٸ مەملەكەتتٸك تۋلار تٶمەن تٷسٸرٸلٸپ, ويىن-ساۋىق شارالارى توقتاتىلعان. تەلەارنالار مەن راديولاردىڭ باعدارلامالارىنا ٶزگەرٸستەر ەنگٸزٸلٸپ, بٸرقاتار اقپارات قۇرالدارى قارالى كٷنگە ساي جۇمىس رەجيمٸنە كٶشكەن.
"قايتىس بولعان ەسكەري قىزمەتشٸلەردٸڭ وتباسىلارىنا تاعى دا قايعىسىنا ورتاقتاسىپ كٶڭٸل ايتامىن. جاۋىنگەرلەر وتان الدىنداعى ەسكەري بورىشىن ادال اتقاردى", – دەدٸ ەرلان قارين.
ۆيتسە-پرەزيدەنت قازا بولعان ەسكەري قىزمەتشٸلەردٸڭ وتباسىلارىنا جان-جاقتى كٶمەك پەن قولداۋ كٶرسەتٸلەتٸنٸن اتاپ ٶتتٸ.
وقيعانىڭ مەن-جايىن انىقتاۋ ٷشٸن ارنايى ٷكٸمەتتٸك كوميسسييا قۇرىلىپ, قۇقىق قورعاۋ ورگاندارى تەرگەۋ جۇمىستارىن جٷرگٸزٸپ جاتىر.
سونىمەن قاتار بٸرقاتار قازاقستاندىق كەسٸپكەرلەر مارقۇمداردىڭ وتباسىلارىنا ماتەريالدىق كٶمەك كٶرسەتەتٸندەرٸن مەلٸمدەگەن.
"حالقىمىز وسىناۋ قيىن سەتتە تاعى دا ٶزٸنٸڭ بەرەكە-بٸرلٸگٸن كٶرسەتٸپ, اۋىر قايعىنى بٶلٸسٸپ جاتىر. جۇرتتىڭ ىنتىماعى, مەملەكەتتٸڭ بەرٸكتٸگٸ وسىنداي قىسىلتاياڭ شاقتا بٸلٸنەدٸ", – دەدٸ مەملەكەتتٸك كەڭەسشٸ.
ەرلان قارين قازاقستاندىقتاردى سابىر ساقتاۋعا, بٸر-بٸرٸنە قولداۋ كٶرسەتۋگە جەنە اۋىر كەزەڭنەن ەل بولىپ بٸرگە ٶتۋگە شاقىردى.
