ERG توبىنا كىرەتىن تاعى ءبىر كومپانيا قازاقستان قور بيرجاسىنداعى ءوزىنىڭ قاراپايىم اكسيالارىنا دەليستينگ جاسايتىنىن مالىمدەدى. اتاپ ايتقاندا، بۇل - قاراعاندى وبلىسىندا مارگانەس كەنىشىن يگەرۋشى جانە مارگانەس كونسەنتراتىن ءوندىرۋشى "مارگانەس جايرەم" كومپانياسى، دەپ حابارلايدى Dalanews.kz.
"دەليستينگ ەرىكتى تۇردە جاسالۋدا. جالعىز اكسيونەر بۇل پروسەدۋرانى 2025 جىلدىڭ 2 ماۋسىمىندا ماقۇلدادى. ونى وتكىزۋ مەرزىمدەرى ءالى بەلگىلەنبەگەن"، دەپ جازادى Forbes باسىلىمى.
ايتا كەتسەك، "مارگانەس جايرەمنىڭ" قاراپايىم اكسيالارى KASE-دە 2018 جىلدىڭ جەلتوقسانىندا ليستينگتەن ءوتىپ، ولار بالامالى الاڭنىڭ "اكسيالار" سەكتورىنداعى رەسمي تىزىمگە ەنگىزىلدى. 2020 جىلدىڭ قاراشاسىندا كومپانيا وزدەرى جاريالاعان اكسيالارىنىڭ باسىم بولىگىن سول اراعا ورنالاستىردى - 487 975 دانا (500 مىڭنان). بىرەۋىنىڭ قۇنى 10 مىڭ تەڭگە بولىپ بەلگىلەندى، جالپى سوماسى شامامەن 4،9 ملرد تەڭگەنى قۇرادى. اكسيالاردى باسىم ساتىپ الۋ قۇقىعىنا يە جالعىز اكسيونەر ساتىپ الدى، ول سول كەزدەگى "قازمىرىشقا" تيەسىلى جايرەم تاۋ-كەن بايىتۋ كومبيناتى بولدى.
2021 جىلدىڭ جەلتوقسانىندا "مارگانەس جايرەمنىڭ" قوجايىنى وزگەردى: نيدەرلاندىدا تىركەلگەن KCR International B. V. كومپانياسى، الايدا تۇپكى باسقارۋشىسى - ERG. 2024 جىلدىڭ قاراشاسىندا ERG "مارگانەس جايرەمنىڭ" تىكەلەي باس كومپانياسىن Qci Metals And Mining B. V-مەن الماستىردى، ول دا امستەردامدا "تىركەلگەن». 2025 جىلدىڭ 1 ساۋىرىندەگى جاعداي بويىنشا، وعان ورنالاستىرىلعان جانە جاريالانعان جاي اكسيالاردىڭ جالپى كولەمىنىڭ 100%-ى تيەسىلى (500 مىڭ دانا).
2025 جىلعى 1 ساۋىردەگى جاعداي بويىنشا، KASE دەرەكتەرىنە سايكەس، "مارگانەس جايرەمنىڭ" مەنشىكتى كاپيتالى مينۋس 11،8 ملرد تەڭگەنى قۇرادى (2025 جىلعى 1 قاڭتارداعى جاعداي بويىنشا، 893،4 ملن تەڭگە بولعان)، تازا پايدا دا مينۋس 940،4 ملن تەڭگە بولادى، الايدا 2025 جىلعى 1 قاڭتارداعى جاعداي بويىنشا، شىعىن ەكى ەسەلەندى: - 2،03 ملرد تەڭگە.
بۇدان ءبىر اپتا بۇرىن ERG قۇرامىنا كىرەتىن "قازحروم" ترانسۇلتتىق كومپانياسى دا KASE-دەگى ءوز اكسيالارىنا دەليستينگ جاسايتىنى بەلگىلى بولعان. كومپانيا بۇل ارەكەتىن وتىمدىلىكتىڭ تومەندىگىنە جانە باعالى قاعازداردى ورنالاستىرۋ بويىنشا جاڭا جوسپارلارىنىڭ بولماۋىمەن بايلانىستى ەكەنىن ايتادى.
"قازحروم" تۇك" اق اكسيالارى KASE قور بيرجاسىنىڭ رەسمي تىزىمىنە ەنگىزىلگەن، الايدا ۇسىنىستىڭ بولماۋىنا بايلانىستى بيرجادا اكسيالارعا سۇرانىس بولماي جاتىر. مەتالل نارىعىنداعى باعالاردىڭ قۇبىلمالىلىعىن قامتيتىن قازىرگى عالامدىق نارىقتاعى جاعدايدى جانە اكسيالاردى جاريا ورنالاستىرۋ جوسپارىنىڭ بولماۋى، ياعني وتىمدىلىكتىڭ تومەن دەڭگەيىن ەسكەرە وتىرىپ، ERG "قازحروم "تۇك" اق اكسيونەرلەرىنىڭ جالپى جينالىسىنا قور بيرجاسىندا ەرىكتى دەليستينگ جاساۋ ماسەلە تالقىسىن ۇسىنۋ تۋرالى ستراتەگيالىق شەشىم قابىلدادى"، - دەپ جاۋاپ بەرگەن ERG "كۋرسيۆ" باسىلىمى جولداعان ساۋالعا.
وتكەن اپتانىڭ سوڭىندا "قازحروم" مۇددەلى تۇلعالاردى 27 ماۋسىمدا كومپانيا اكسيونەرلەرىنىڭ كەزەكتەن تىس جالپى جينالىسى وتكىزىلەتىنىن حاباردار ەتكەن بولاتىن.
1 ساۋىردەگى جاعداي بويىنشا، "قازحرومنىڭ" قاراپايىم اكسيالارىنىڭ 99،99%-ى دۋبايدا تىركەلگەن KCR METALS FZCO-عا تيەسىلى، تۇپكىلىكتى ەگەسى ليۋكسەمبۋرگتەگى باس كومپانيا - Eurasian Resources Group S. A. r.l. "قازحروم" حروم جانە مارگانەس كەندەرىن وندىرۋمەن جانە ساتۋمەن، سونداي-اق فەرروقورىتپالاردى وندىرۋمەن جانە ساتۋمەن اينالىسادى. توپتىڭ بارلىق اكتيۆتەرى قازاقستاندا ورنالاسقان. 2025 جىلدىڭ ءى-توقسانىنىڭ قورىتىندىسى بويىنشا، "قازحروم" 30،3 ملرد تەڭگە تازا پايدا تاپتى. ال 2024 جىلدىڭ وسىعان ۇقساس كەزەڭىندەگى بۇل كورسەتكىش 61،4 ملرد تەڭگەنى قۇرايدى. كومپانيانىڭ كىرىسى 220،26 ملرد تەڭگەگە دەيىن ءوستى، ونىڭ ىشىندە جوعارى كومىرتەكتى فەرروحرومدى ساتۋدان 175،7 ملرد تەڭگە (جوعارى كومىرتەكتى فەرروحرومدى ساتۋدان 159،89 ملرد تەڭگە) پايدا ءتۇستى، 2024 جىلدىڭ ءى-توقسانىندا بۇل كورسەتكىش 195،98 ملرد تەڭگە بولعان.
Eurasian Resources Group (ERG) ۇلەستەرى مىنانداي: مارقۇم ءاليجان يبراگيموۆتىڭ ايەلى مۇقاداسحان مەن ۇلدارى دوستان، داۆرون، شۋحرات جانە فۋرحاتقا 20،7%، 2025 جىلى 22 ناۋرىزدا قايتىس بولعان الەكساندر ماشكيەۆيچتىڭ مۇراگەرلەرىنە 20،7%، پاتوح شودييەۆكە 18،6%، ق ر ۇكىمەتىنە 40% تيەسىلى.
ERG-عا "قازحروم"، "قازاقستان ءاليۋمينييى"، سسكوب، قازاقستاندىق ەلەكتروليز زاۋىتى، "ەۋروازيالىق ەنەرگەتيكالىق كورپوراسيا"، "شۇباركول كومىر"، "ترانسكوم" كولىك توبى جانەباسقا دا كاسىپورىندار تيەسىلى.
ايتا كەتسەك، ERG-دىڭ موينىندا 4 ملرد دوللار قارىز بار، ونىڭ ۇستىنە كومپانيانىڭ سوڭعى ەكى جىلدا شىعىندارى ارتۋدا. شۋحرات يبراگيموۆ كومپانيانىڭ باقىلاۋ پاكەتىن يەلەنۋ ءۇشىن ءوزىنىڭ مارقۇم اكەسى ءاليجان يبراگيموۆتىڭ سەرىكتەستەرىنەن ERG-دەگى ۇلەستەرىن ساتىپ الماق تۋرالى اقپارات شەتەلدىك باق-تا اقپارات جاريالانعان ەدى.
