ەرەيمەنتاۋ قالاسىندا قۋاتى 50 مۆت جەل ەلەكتر ستانسياسىن سالۋعا ارنالعان اقشانىڭ ۇرلاعانى بەلگىلى بولدى. شىعىن مولشەرى 8،5 ملرد تەڭگەدەن اسادى، دەپ حابارلايدى Dalanews.kz.
استانا قالاسىنىڭ قىلمىستىق ىستەر جونىندەگى اۋدانارالىق سوتى الاياقتىق، اتاپ ايتقاندا، ادامدار توبىنىڭ الدىن الا ءسوز بايلاسۋى ارقىلى، الداۋ جانە سەنىمدى تەرىس پايدالانۋ جولىمەن، ءىرى جانە اسا ءىرى مولشەردە جابىرلەنۋشىلەردىڭ اقشالاي قاراجاتىن بىرنەشە رەت ۇرلادى دەپ ايىپتالعان ەكى ادامعا قاتىستى ۇكىم شىعاردى.
ب. جانە م. باسقا ادامدارمەن بىرلەسىپ، الدىن الا ءسوز بايلاسۋ ارقىلى ارەكەت ەتە وتىرىپ، 2020-2022 جىلدار ارالىعىندا "سامۇرىق-ەنەرگونىڭ" Ereymentau Wind Power ەنشىلەس كومپانياسىنان ەرەيمەنتاۋدا جەل ەلەكتر ستانساسىن سالۋعا ارنالعان قاراجاتقا قول سالعان. مۇنى ولار جالعان كەلىسىم-شارتتارمەن جانە اففيليرلەنگەن كومپانيالارعا اقشا اۋدارۋ ارقىلى جاساعان. كەلتىرىلگەن شىعىن مولشەرى 8،5 ملرد تەڭگەدەن اسادى.
سونداي-اق، 2021 جىلدىڭ قازان ايىندا ب. "پ" اكسيونەرلىك قوعامىمەن ترانسفورماتورلىق قوسالقى ستانسيالاردى جەتكىزۋگە شارت جاساسقان، الايدا ءوز مىندەتتەمەلەرىن ورىنداماعان. ناتيجەسىندە "پ" اكسيونەرلىك قوعامىنا 157 ملن تەڭگەدەن استام شىعىن كەلتىرىلگەن.
سوت ۇكىمىمەن ب. 8 جىل 6 ايعا باس بوستاندىعىنان ايىرىلىپ، مەملەكەتتىك ناگراداسى – "قۇرمەت" وردەنىنەن ايىرىلدى. ال م.-عا 6 جىل 8 اي باس بوستاندىعىنان ايىرۋ تۇرىندەگى جازا تاعايىندالدى. "ە" ءجشس-نىڭ ازاماتتىق تالاپ قويۋى ءىشىنارا قاناعاتتاندىرىلىپ، 8،5 ملرد جانە 3 ملن تەڭگەدەن استام سوت شىعىستارى ءوندىرىپ الىندى.
