ۇلتتىق ەكونوميكا مينيسترٸ نۇرلان بايبازاروۆ ەۋروپا قايتا قۇرۋ جەنە دامۋ بانكٸنٸڭ (ەققدب) ورتالىق ازييا مەن موڭعولييا بويىنشا ديرەكتوردىڭ مٸندەتٸن اتقارۋشى حۋسەين وزحانمەن كەزدەستٸ. ول ەققدب-نىڭ الداعى ۋاقىتتا قازاقستانعا سالىناتىن ينۆەستيتسييانى ەكٸ ەسە كٶبەيتۋدٸ جوسپارلاپ وتىرعانىن ايتتى. ەرٸ بۇل ينۆەستيتسييانىڭ ەلدٸڭ ەلەۋمەتتٸك جەنە ەكونوميكالىق دامۋىنا اسا ماڭىزدى ەكەنٸن اتاپ ٶتتٸ.
ەلٸمٸزدٸڭ باتىس جاعىن ەلەكترمەن جابدىقتاۋدى جاقسارتاتىن جوباعا ەرەكشە نازار اۋدارىلدى. ول جوبانى ەققدب KEGOC-پەن بٸرگە جٷزەگە اسىرىپ وتىر. سونىمەن بٸرگە اقتٶبەدە تازارتۋعا ارنالعان جاڭا قۇرىلىستار جٷرگٸزۋ, جەتەكشٸ تۇز ٶندٸرۋشٸ «ارالتۇزعا» قولداۋ بٸلدٸرۋ مەسەلەسٸ دە تالقىلاندى. «ارالتۇزعا» ەۋروپا قايتا قۇرۋ جەنە دامۋ بانكٸ ناۋرىزدىڭ ورتاسىندا 5,5 ملرد تەڭگەگە ايىرباس نەسيە بەرگەن ەدٸ.
«2024 جىلدىڭ ماۋسىمىندا الماتى ەۋەجايىندا جاڭا جولاۋشىلار تەرمينالى كەستەدەگٸ ۋاقىتىنان بۇرىن اشىلعان بولاتىن. ونىڭ دا قۇرىلىسىن ەققدب قارجىلاندىرعان. بانك Air Astana كومپانيياسىنىڭ ۇلتتىق IPO-سىنا دا قاتىستى» دەيدٸ بانك ٶكٸلدەرٸ.
نۇرلان بايبازاروۆ قازاقستاننىڭ جەكە سەكتورعا, ەنەرگەتيكاعا, كٶلٸككە جەنە جاڭارتىلاتىن ەنەرگييا كٶزدەرٸنە ينۆەستيتسييالاردى قولداي وتىرىپ, ەقدب-مەن ىنتىماقتاستىقتى ەلدٸك جەنە ٶڭٸرلٸك دەڭگەيدە كەڭەيتۋگە نيەتتٸ ەكەنٸن اتاپ ٶتتٸ.
قازاقستانمەن جۇمىس ٸستەپ باستاعالى بانك 324 جوبا اياسىندا €10,2 ملرد ينۆەستيتسييا قۇيعان. قازٸرگٸ ۋاقىتتا قازاقستان قورجىنىندا جالپى سوماسى €2,9 ملرد بولاتىن 121 جوبا جٷرٸپ جاتىر.
