Ulttyq ekonomika ministri Nurlan Baibazarov Eýropa qaita qurý jáne damý bankiniń (EQQDB) Ortalyq Aziia men Mońǵoliia boiynsha direktordyń mindetin atqarýshy Hýsein Ozhanmen kezdesti. Ol EQQDB-nyń aldaǵy ýaqytta Qazaqstanǵa salynatyn investitsiiany eki ese kóbeitýdi josparlap otyrǵanyn aitty. Ári bul investitsiianyń eldiń áleýmettik jáne ekonomikalyq damýyna asa mańyzdy ekenin atap ótti.
Elimizdiń batys jaǵyn elektrmen jabdyqtaýdy jaqsartatyn jobaǵa erekshe nazar aýdaryldy. Ol jobany EQQDB KEGOC-pen birge júzege asyryp otyr. Sonymen birge Aqtóbede tazartýǵa arnalǵan jańa qurylystar júrgizý, jetekshi tuz óndirýshi «Araltuzǵa» qoldaý bildirý máselesi de talqylandy. «Araltuzǵa» Eýropa qaita qurý jáne damý banki naýryzdyń ortasynda 5,5 mlrd teńgege aiyrbas nesie bergen edi.
«2024 jyldyń maýsymynda Almaty áýejaiynda jańa jolaýshylar terminaly kestedegi ýaqytynan buryn ashylǵan bolatyn. Onyń da qurylysyn EQQDB qarjylandyrǵan. Bank Air Astana kompaniiasynyń ulttyq IPO-syna da qatysty» deidi bank ókilderi.
Nurlan Baibazarov Qazaqstannyń jeke sektorǵa, energetikaǵa, kólikke jáne jańartylatyn energiia kózderine investitsiialardy qoldai otyryp, EQDB-men yntymaqtastyqty eldik jáne óńirlik deńgeide keńeitýge nietti ekenin atap ótti.
Qazaqstanmen jumys istep bastaǵaly bank 324 joba aiasynda €10,2 mlrd investitsiia quiǵan. Qazirgi ýaqytta Qazaqstan qorjynynda jalpy somasy €2,9 mlrd bolatyn 121 joba júrip jatyr.
