Memleketke opasyzdyq jáne jemqorlyq isi boiynsha sottalǵan Kárim Másimovtiń burynǵy kúieý balasy Azamat Qapenov áleýmettik jelide "Qazaqstan temir joly" kompaniiasyna tiesili zaýyttyń satylýyna qatysty málimdeme jasady, dep habarlaidy dalanews.kz.
Bul týraly ol áleýmettik jelidegi paraqshasynda aitty.
"Qazaqstan temir jolynda bir zaýyt boldy. Oǵan shamamen 18 milliard teńge jumsalǵan, biraq keiin nebári 90 million teńgege satyldy. Pikirge osy zaýyttyń ataýyn birinshi bolyp durys jazǵan adamǵa jaýap retinde bul zaýyt qalai satylǵanyn tolyq aityp, rils jariialaimyn. Kettik", - dedi ol.
Aita keteiik, buǵan deiin Qarjylyq monitoring agenttigi Azamat Qapenovke halyqaralyq izdeý jariialaǵan bolatyn. Osydan keiin ol áleýmettik jelide belsendilik tanytyp, jazbalarynda ózine taǵylyp otyrǵan aiypqa, zańsyz áreketterge qatysy joq ekenin aityp júr.
