جاقىندا كٶرشٸمنٸڭ بالاسى ٷيلەنٸپ, تويىندا بولدىق. ەكٸ جاستىڭ قۋانىشى ٷشٸن ٸشپەسٸمە قوياردا قويماي بٸر-ەكٸ رەت جٷز گرامم تارتقىزىپ جٸبەردٸ. ٸشكە اششى سۋدىڭ بٸر-ەكەۋٸ كەتكەننەن كەيٸن قالعانى ٶزٸنەن-ٶزٸ تاراتا باستايتىنى بەلگٸلٸ عوي.
بۇدان كەيٸن اينالامداعى جۇرتتان قالماي, تانىسىمنىڭ قۋانىشىنا "وت دۋشي" ورتاقتاسىپ, اقتان الىپ وتىردىم. قاسىمدا وتىرعان كەلٸنشەگٸم ساننان شىمشىپ, بٷيٸردەن تٷرتكەنٸن دە ەلەڭ قىلعانىم جوق. ٶزٸم سەكٸلدٸ ەر ازاماتتار دا قامشى سالدىرماي الىپ وتىرعاندا مەن قالاي تٸزگٸن تارتايىن? سوندىقتان كەلٸنشەگٸمٸنٸڭ ەسكەرتۋٸنە قاپەرگە المادىم. بارلىقتارىڭىزدىڭ باستارىڭىزدان ٶتكەن جايت شىعار?
ونىڭ ٷستٸنە ٸشٸپ ماسايعاندا ەشكٸممەن بايلانىسىپ, داۋ شىعارىپ, تٶبەلەسپەيتٸنٸم ٶزٸمە مەلٸم. كەيبٸرەۋلەر ٸشٸنە وت بارعاننان كەيٸن ەر سٶزٸڭنەن ٸلٸك ٸزدەپ, ۇرىنارعا قارا تاپپاي وتىرادى ەمەس پە? مەن ونداي جانداردىڭ قاتارىنان ەمەسپٸن. قايتا كەرٸسٸنشە ٸشسەم بەيبٸتسٷيگٸش جانعا اينالىپ شىعا كەلەمٸن.
ەركٸمگە ەلجٸرەپ, بەتٸمە كٷلٸمدەي قاراعان اداممەن قولىمداعى بارىمدى بٶلٸسۋگە دايار تۇرامىن. ەگەر اقش پرەزيدەنتٸ دونالد ترامپ, سولتٷستٸك كورەيانىڭ باسشىسى كيم چەن ىن ٷشەۋمٸز عايىپتان تايىپ ٸشە قالساق, ەكەۋٸنە اراعايىن بولىپ, يت پەن مىسىقتاي بولعان ەكٸ مىقتىنى تاۋتۋلاستىرىپ جٸبەرەر ەدٸم. بٸراق ماعان ونداي مٷمكٸندٸكتٸ كٸم بەرسٸن?
يە, مەن ٸشٸپ السام, كٶڭٸلدەنٸپ, ادام بالاسىنا ەلجٸرەپ, جۇرتتان ارتىق قۋانىپ, "قۋىپ كەتەتٸن" (كەلٸنشەگٸم مەنٸڭ بۇل قاسيەتٸمدٸ وسىلاي باعالايدى) ەدەتٸم بار.
كٶرشٸمنٸڭ تويى جاقسى ٶتٸپ جاتتى. تاۋداي ەت, كٶلدەي سورپا دەگەندەي. ستولدىڭ بەلٸ قايىسىپ تۇر. سالاتتىڭ نەشە تٷرٸ. سۋسىن, شاراپ, تەتتٸ... دٶڭگەلەك ٷستەلدٸ جاعالاي وتىرعان اۋىلداستارىمەن ىرجيىپ, توپتاسىپ, سۋرەتكە دە تٷسٸپ الدىم. ەر سۋرەتٸن بازاردىڭ باعاسىنان ون ەسە ارتىق ساتاتىن بالا دا مەنٸ اينالسوقتاپ, قاسىمنان شىعار ەمەس. امال نە قالتاما سالىپ شىققان بەس مىڭ تەڭگەنٸڭ بەرٸ سۋرەتكە كەتتٸ.
سۋرەتتٸ ەكٸ-ٷشەۋدەن تٷسٸپ, قاسىمداعى قاسىمداعىلارعا دا ٷلەستٸرٸپ, مىرزالىق تانىتتىم. كەلٸنشەگٸم بٸر قاراعانىمدا اقشانى وڭدى-سولدى شاشقانىم ۇناتپاي, كەيٸستٸك تانىتىپ وتىرعانىن بايقاپ, دەرەۋ جٷزٸمدٸ تايدىرىپ ەكەتتٸم.
مٸنە, جۇرت دٷركٸرەپ بيگە شىقتى. تٶرەشتٸڭ ەلگٸ بٸر قاندى قىزدىراتىن ەنٸ ورىندالعاندا قالاي شىدايسىڭ, قاسىمدا وتىرعان توپتى باستاپ بي الاڭىنا الىپ شىقتىم. بۇل كەزدە ٶزٸم وتىرعان 12 ٷستەلدٸ تولىقتاي بيلەپ, تٶستەپ العان ەدٸم. قۇدى بٸر دٶڭگەلەك ٷستەلدٸ جاعالاي وتىرعان بٸزدٸڭ كٶشەنٸڭ تۇرعىندارىن سوعىسقا باستاسام دا "قايدا بارامىز" دەمەستەن سوڭىمنان ەرٸپ جٷرە بەرەتٸن جاعدايدا ەدٸ.
جالپى ادام ٸشكەن كەزدە بيشٸ بولىپ كەتەدٸ عوي. باسقانى قايدان ٶزٸم سولاي سەزٸنەمٸن. ويناقى ەۋەننٸڭ ىرعاعىندا كەرمەت بي قيمىلدارىن... سالىپ جۇرتتىڭ ىقىلاسىنا بٶلەنٸپ جاتقانىمدى سەزٸپ... (بۇعان يمانىم كەمٸل ەدٸ) تۇرامىن.
بٸزدٸڭ تويدىڭ ديدجەيلەرٸ دە مىقتى عوي. بٸر رەت بيگە شىققان ادامدى ٷستەل باسىنا قايتارماي, بٸرازعا دەيٸن بيلەتەتٸن قۇدٸرەتٸ بار. تٶرەشتەن كەيٸن قايروشتىڭ (بٸزدٸڭ اۋىلدى قايرات نۇرتاستى سولاي اتايدى) ەنٸن جٸبەردٸ. بٸزدٸڭ اۋىلدىڭ تۇرعىندارى "تٶرەشتٸڭ ەنٸنە بيلەدٸك, قايروشتىڭ ەنٸنە بيلمەسەك ۇيات بولار" دەپ قالىپتاسقان داعدىنى بۇزباي جەر تارپىپ ەدەمٸ... بيٸن ٷدەتە تٷستٸ.
تەلەارنادان كٶرگەن بيشٸلەردٸڭ دەنە قيمىلىن بارىنشا سالىپ جاتقانىمدى بٸلەمٸن. كٶزٸمدٸ جۇمعاندا بي الاڭىندا "قارا جورعا" مەن "لامبادانىڭ" كۋلميناتسييالىق يٸرٸم, قايىرىمدارىن ۇشتاستىرىپ, بيدٸڭ جاڭا سۇراپىل باعىتىن قالىپتاستىرىپ جاتقانداي سەزٸندٸم.
ال ەلگٸ ەركە قىزدىڭ "استانادا جوق, جوق" دەگەن (بۇل ەن سولاي اتالۋشى ما ەدٸ?) ەنٸ قويىلعاندا سالتانات سارايى جارىلارداي بولدى. بۇل كەزدە توي يەسٸنٸڭ استانادان كەلگەن قۇداشالارىن بيگە شاقىرىپ, عاجايىپ بي كەشٸنٸڭ جاڭا بٸر كەزەڭٸنە اياق باسقان ەدٸك. استانادان كەلگەن قۇداشا دا مىقتى ەكەن بۇراڭداپ بيلەگەندە ادامنىڭ شابىتىن وياتا ما, قالاي?.. بٸزدٸڭ اۋىلدىڭ كەلٸنشەكتەرٸ كەڭ ەتەك كٶيلەكتەرٸن جەلپٸلدەتٸپ بيلەگەنٸنە مەز بولۋشى ەدٸم. ال مىنا قۇداشانىڭ (تانىسقان ەدٸك, اتى ەسٸمدە جوق) بيٸ زامان اعىمىنا ساي, ەۋەن ىرعاعىنا ٷيلەسٸمدٸ, ادامنىڭ جان-جٷرەگٸن ەلجٸرەتەتٸن بٸر سيىقىرى بار سەكٸلدٸ...
تويدىڭ قايتالانباس سەتتەرٸن تاسپالاپ جٷرگەن وپەراتور دا بٸزدٸڭ بيٸمٸزدٸ ەر تٷرلٸ راكۋستا تٷسٸرٸپ, جان تاپپاي جٷر. بۇدان باسقا قولىندا سمارتفونى بارلاردا بٸزدٸڭ بيٸمٸزدٸ... جان-جاقتان جاپاتارماعاي تٷسٸرٸپ, مەرە-سەرە بولعانىن بٸلەمٸن. تەك كەلٸنشەگٸم عانا رەنٸشپەن قاراپ تۇرعانىن بايقاپ قالدىم.
سول كەزدە قۇداشامەن قاتتى بيلەپ, سٷيٸپ قوسىلعان جارىمنىڭ كٶڭٸلٸنە قاياۋ تٷسٸرٸپ الدىم با دەگەن وي سانامنىڭ بٸر تٷكپٸرٸندە جارق ەتتٸ دە, سوڭىن الا جوق بولعانى ەسٸمدە. وسىلايشا توي بٸتكەنشە تالاي قىز-كەلٸنشەكپەن بيلەدٸم.
توي دا ٶتتٸ. مەنٸڭ بيٸم دە ۇمىت بولعان-دى. ٶيتكەنٸ, بٸزدٸڭ اۋىلدان مەن سيياقتى بيشٸلەر كٶپ-تۇعىن. مەنٸڭ بيٸمدٸ ەڭگٸمە قىلىپ قايتسٸن. ارادا بٸرشاما ۋاقىت ٶتكەننەن كەيٸن مەكتەپتە وقيتىن قىزىم ٷيگە جىلاپ كەلمەسٸ بار ما? «كٸم تيدٸ, ساعان» دەپ شەشەسٸ ەكەۋمٸز جان-جاقتان بەيەك بولىپ جاتىرمىز. ول:
– ەشكٸم تيگەن جوق. بٷگٸن مەكتەپتە فەيسبۋكتا ەكەمنٸڭ تويداعى قيسالاڭداپ بيلەگەن بيٸن بٷتكٸل وقۋشى كٶرٸپ, قاتتى نامىستاندىم. بالالار «ەكەڭ كەرەمەت بيشٸ» ەكەن دەپ ەبەن مازاقتادى, – دەگەندە ۇياتتان جەرگە كٸرەردەي بولدىم. ەلەۋمەتتٸك جەلٸگە سالۋشى «اراققا تويىپ العان وتاعاسى تويعا جينالعان قىز-كەلٸنشەكتەردٸڭ بەرٸمەن بيلەپ شىقتى» دەپ جازىپ قويىپتى.
يە, سول تويدا ەكٸ جاستىڭ قۋانىشىنا ورتاقتاسىپ, شىن جٷرەكتەن قۋانىپ, القىن-جۇلقىن بيلەگەنٸم راس. ەلەۋمەتتٸك جەلٸگە جٷكتەلگەن ۆيدەونى قاراعانىمدا مۇنى سوتكاعا تٷسٸرٸپ العان بٸرەۋ سالىپ جٸبەرگەنٸن بايقادىم. كەرەمەت بيلەدٸم دەگەنٸم دە بەكەر ەكەن. ەت پەن تەرٸنٸڭ اراسىنداعى جەلٸك ەكەن. بەرٸنە قۋ اراق كٸنەلٸ.
بٸراق القىن-جۇلقىن بيلەگەندە تۇرعان نە بار. قازٸر تويعا بارعاندا قۋانىپ بيلەۋدٸڭ ٶزٸ دە قاۋٸپتٸ بولىپ بارادى. توي يەسٸ تويعا كەلگەن ادامداردىڭ تەلەفوندارىن ەسٸكتٸڭ كٶزٸندە تۇرىپ جيناپ الۋى عانا قالدى. ەيتپەسە كٶڭٸلدەنٸپ بيلەگەندەردٸ ۆيدوەعا تٷسٸرٸپ, جەلٸگە سالىپ, ماسقاراسىن شىعارا بەرسە, مۇنىڭ سوڭى نە بولادى? مۇنى ويلاعان جان بار ما? ەلگٸ ەلەۋمەتتٸك جەلٸدە جارييالانعان ۆيدەونىڭ استىنداعى جازبالارعا جۇرت نە جازباعان دەيسٸزدەر?! كومەنتتەردٸ وقىپ وتىرىپ, ٶزٸمدٸ دٷنيەدەگٸ ەڭ سوڭعى وڭباعان اداممىن با دەپ قالدىم. مۇنى وقىعان قىزىمنىڭ نامىستان جارىلارداي بولىپ جىلاعانىن تٷسٸندٸم.
جەلٸدەگٸ ۆيدەونى كٶرٸپ, اۋىلداستارىم «ينتەرنەتكە شىققانىڭدى جۋساڭشى» دەپ بٸرازعا دەيٸن قىلجاقتاپ, سىرتىمنان بيشٸ دەپ مازاقتاپ جٷردٸ.
مٸنە وسىدان كەيٸن تويعا قايتىپ بارعىڭ كەلەدٸ. ەندٸ تويعا بارماۋعا بەكٸنٸپ وتىرمىن.
نۇرلان جۇماحان
