ىشكى ىستەر مينيسترلىگى Jet، ياندەكس، Woosh، Bolt جانە ءبىرىڭعاي ميكروموبيلدىك وپەراتور سەكىلدى ءىرى كيكشەرينگ سەرۆيستەرىمەن كەزدەسۋ وتكىزدى. كومپانيالارعا ءموبيلدى پاترۋلدەر قۇرۋ جانە تەحنيكالىق شەكتەۋلەر ەنگىزۋ تاپسىرىلدى. ەندى ساموكاتتار ساياباقتاردا، جاعالاۋلاردا جانە كوپشىلىك شارالار وتەتىن ورىنداردا اۆتوماتتى تۇردە وشىرىلەدى، ال ساموكاتتى دۇرىس قويماعان جاعدايدا ساپاردى اياقتاۋ مۇمكىن بولمايدى، دەپ حابارلايدى Dalanews.kz.
جىل باسىنان بەرى ەلەكترساموكاتتاردىڭ قاتىسۋىمەن 213 جول اپاتى تىركەلىپ، 224 ادام زارداپ شەككەن. بۇزۋشىلىقتاردىڭ 95%-ى الماتىنىڭ ۇلەسىندە. نەگىزگى ماسەلەلەردىڭ ءبىرى — سەرۆيستەردىڭ اكىمدىكتەرمەن جانە پوليسيامەن ءوزارا بايلانىسىنىڭ السىزدىگى.
كومپانيالار جاڭا ەرەجەلەردى جاقىن ارادا ەنگىزۋگە ۋادە بەردى. دەگەنمەن ماسەلەنى تۇبەگەيلى شەشۋ ءۇشىن ينفراقۇرىلىمدى دامىتۋ قاجەت: بۇگىندە ەلىمىزدە نەبارى 594 كم ۆەلوجول بار، ال قاجەتتىلىك 2000 كم-دەن اسادى.
