Ishki ister ministrligi Jet, Iandeks, Woosh, Bolt jáne Biryńǵai mikromobildik operator sekildi iri kikshering servisterimen kezdesý ótkizdi. Kompaniialarǵa mobildi patrýlder qurý jáne tehnikalyq shekteýler engizý tapsyryldy. Endi samokattar saiabaqtarda, jaǵalaýlarda jáne kópshilik sharalar ótetin oryndarda avtomatty túrde óshiriledi, al samokatty durys qoimaǵan jaǵdaida sapardy aiaqtaý múmkin bolmaidy, dep habarlaidy Dalanews.kz.
Jyl basynan beri elektrsamokattardyń qatysýymen 213 jol apaty tirkelip, 224 adam zardap shekken. Buzýshylyqtardyń 95%-y Almatynyń úlesinde. Negizgi máselelerdiń biri — servisterdiń ákimdiktermen jáne politsiiamen ózara bailanysynyń álsizdigi.
Kompaniialar jańa erejelerdi jaqyn arada engizýge ýáde berdi. Degenmen máseleni túbegeili sheshý úshin infraqurylymdy damytý qajet: búginde elimizde nebári 594 km velojol bar, al qajettilik 2000 km-den asady.
