ەندٸ قۇدايى تاماقتا ىسىراپشىلىققا جول بەرٸلمەيدٸ
"شاعىن اس مەزٸرٸنە" قازاقتىڭ ۇلتتىق تاعامدارى ەنگەن.
– مۇنداي اس مەزٸرٸن بەكٸتۋ ٷشٸن, بٸز وبلىستىڭ بارلىق اۋداندارىن ارالاپ شىقتىق. 1 230 ادامنىڭ پٸكٸرٸن تىڭدادىق. ولاردىڭ 85 پايىزى قۇدايى تاماق كەزٸندە ىسىراپ كٶپ بولاتىنىن ايتتى, – دەدٸ قازاقستان مۇسىلماندارى دٸني باسقارماسىنىڭ اقتٶبە وبلىسى بويىنشا ٶكٸلٸ تٶلەبي وسپانوۆ.
اس مەزٸرٸ جەرگٸلٸكتٸ مەيرامحانالار مەن كافەلەردە قولدانۋ جوسپاردا بار. ال وبلىس يمامدارى بولسا ىسىراپ جاساۋعا بولمايتىنى تۋرالى ٷگٸت جٷرگٸزەدٸ.
"وبلىستىق مەشٸتتەگٸ اسحانادا 100 ادامعا 170 مىڭ تەڭگە (شامامەن 550 دوللار) كەتەدٸ. سونىڭ 105 مىڭ تەڭگەسٸ ازىق-تٷلٸككە جۇمسالادى. ال جەرگٸلٸكتٸ مەيرامحانالار 100 ادامعا ارنالعان قۇدايى تاماققا كەم دەگەندە 300-400 مىڭ تەڭگە الادى", – دەدٸ "نۇرعاسىر" مەشٸتٸنٸڭ اقساقالى بەكەجان قاجى احانۇلى.
مۇنداي ۇسىنىس دٸني رەسٸمدەر مەن ۇلتتىق دەستٷردٸ بٸرٸكتٸرۋگە ارنالعان كونفەرەنتسييادا ايتىلدى. جيىن سوڭىندا يمامدار ىسىراپشىلدىقپەن كٷرەسۋگە كەلٸستٸ.
