Endi Qudaiy tamaqta ysyrapshylyqqa jol berilmeidi
"Shaǵyn as mázirine" qazaqtyń ulttyq taǵamdary engen.
– Mundai as mázirin bekitý úshin, biz oblystyń barlyq aýdandaryn aralap shyqtyq. 1 230 adamnyń pikirin tyńdadyq. Olardyń 85 paiyzy qudaiy tamaq kezinde ysyrap kóp bolatynyn aitty, – dedi Qazaqstan musylmandary dini basqarmasynyń Aqtóbe oblysy boiynsha ókili Tólebi Ospanov.
As máziri jergilikti meiramhanalar men kafelerde qoldaný josparda bar. Al oblys imamdary bolsa ysyrap jasaýǵa bolmaityny týraly úgit júrgizedi.
"Oblystyq meshittegi ashanada 100 adamǵa 170 myń teńge (shamamen 550 dollar) ketedi. Sonyń 105 myń teńgesi azyq-túlikke jumsalady. Al jergilikti meiramhanalar 100 adamǵa arnalǵan qudaiy tamaqqa kem degende 300-400 myń teńge alady", – dedi "Nurǵasyr" meshitiniń aqsaqaly Bekejan qajy Ahanuly.
Mundai usynys dini rásimder men ulttyq dástúrdi biriktirýge arnalǵan konferentsiiada aityldy. Jiyn sońynda imamdar ysyrapshyldyqpen kúresýge kelisti.
