قازاقستاندا ەڭبەك نارىعىندا سۇرانىسى جوق ماماندىقتار مەن بٸلٸم بەرۋ باعدارلامالارىن قىسقارتۋ جۇمىستارى جٷرگٸزٸلٸپ جاتىر, دەپ حابارلايدى dalanews.kz.
وقۋ-اعارتۋ مينيسترٸ جۇلدىز سٷلەيمەنوۆانىڭ ايتۋىنشا, قازٸرگٸ ۋاقىتتا تەحنيكالىق جەنە كەسٸپتٸك بٸلٸم بەرۋ مازمۇنى ەڭبەك نارىعىنداعى ٶزگەرٸستەرگە قاراي قايتا قارالۋدا.
بٷگٸندە 552 كەسٸپتٸك ستاندارت نەگٸزٸندە 14 494 بٸلٸم بەرۋ باعدارلاماسى ەزٸرلەنگەن. ونىڭ 4 348-ٸ جۇمىسشى بٸلٸكتٸلٸكتەرٸ بويىنشا ٸسكە اسىرىلىپ وتىر.
سونىمەن قاتار سۇرانىسقا يە ەمەس باعىتتاردى جٷيەدەن شىعارۋ جوسپارلانعان. اتاپ ايتقاندا, 32 ماماندىقتى, ونىڭ ٸشٸندە 41 جۇمىسشى بٸلٸكتٸلٸگٸن الىپ تاستاۋ قاراستىرىلۋدا.
بۇعان دەيٸن ەڭبەك نارىعىنىڭ تالاپتارىنا سەيكەس كەلمەيتٸن 66 بٸلٸم بەرۋ باعدارلاماسى تٸزٸلٸمنەن شىعارىلعان.
ولاردىڭ ورنىنا ەكونوميكا مەن تەحنولوگييالىق ٶزگەرٸستەرگە بايلانىستى پايدا بولعان جاڭا باعىتتار ەنگٸزٸلٸپ جاتىر. سىنىپتاۋىش 20 جاڭا ماماندىقپەن تولىقتىرىلىپ, وسى باعىتتار بويىنشا 243 بٸلٸم بەرۋ باعدارلاماسى ەزٸرلەنگەن.
كوللەدج ستۋدەنتتەرٸنٸڭ قوسىمشا قۇزىرەتتەرٸن كەڭەيتۋ ٷشٸن ميكروبٸلٸكتٸلٸكتەر مەن Minor باعدارلامالارىن ەنگٸزۋ دە جوسپارلانعان.
سونىمەن قاتار جۇمىسشى بٸلٸكتٸلٸكتەرٸ بويىنشا بٸلٸم بەرۋ باعدارلامالارىنا جاساندى ينتەللەكت قۇرالدارىن كەسٸبي قىزمەتتە پايدالانۋ داعدىلارى ەنگٸزٸلۋدە.
بٸلٸم بەرۋ باعدارلامالارىنىڭ تٸزٸلٸمٸ Career Enbek ۇلتتىق بٸلٸكتٸلٸك جٷيەسٸنٸڭ پلاتفورماسىمەن ينتەگراتسييالانعان. بۇل وقۋ باعدارلامالارىنىڭ مازمۇنىن كەسٸپتٸك ستاندارتتارمەن بايلانىستىرۋعا مٷمكٸندٸك بەرەدٸ.
مينيسترلٸكتٸڭ مەلٸمەتٸنشە, كوللەدجدەردٸڭ بٸلٸم بەرۋ باعدارلامالارىنىڭ حالىقارالىق تالاپتارعا سەيكەستٸگٸن باعالاۋ دا جالعاسادى. قازٸردٸڭ ٶزٸندە 27 كوللەدجدٸڭ باعدارلاماسى باعالانعان. 2027 جىلدىڭ سوڭىنا دەيٸن تاعى 30 كوللەدجدٸ وسى باعالاۋدان ٶتكٸزۋ جوسپارلانىپ وتىر.
سٷلەيمەنوۆا بۇل ٶزگەرٸستەردٸڭ نەگٸزگٸ ماقساتى كوللەدجدەردە ەڭبەك نارىعىنا قاجەتسٸز مامانداردى دايارلاۋدى ازايتىپ, ەكونوميكاعا قاجەتتٸ كادرلاردى كٶبەيتۋ ەكەنٸن اتاپ ٶتتٸ.
