13 ءساۋىر مەن 11 مامىر ارالىعىندا ەلوردادا "تازا قازاقستان. استانا - تازالىق پەن ءتارتىپتىڭ ۇلگىسى" ايلىعى وتەدى. ءاربىر تۇرعىن ەلوردادا تازالىق پەن ءتارتىپتى قامتاماسىز ەتۋگە ءوز ۇلەسىن قوسا الادى، دەپ حابارلايدى ەلوردا اكىمدىگىنىڭ رەسمي سايتى.

ەكولوگيالىق ايلىق شەڭبەرىندە قالانى، نوسەر جانە ارىق كارىز جەلىلەرىن سانيتارلىق تازارتۋ، كوشەلەردى، تروتۋارلار مەن ورامىشىلىك اۋماقتاردى تازالاۋ، ساياباقتار مەن سكۆەرلەردەگى جاسىل جەلەكتەردى كۇتۋ بويىنشا ماۋسىمدىق اگروتەحنيكالىق جۇمىستار، ساۋدا نىساندارىنا ىرگەلەس اۋماقتاردى جيناۋ، كوگالدار مەن گۇلزارلاردى ورناتۋ جونىندەگى ءىس-شارالار، رۇقسات ەتىلمەگەن قوقىستاردى جويۋ جۇرگىزىلەدى.

ءى

سونداي-اق اكسيا اياسىندا 270 مىڭنان استام جاسىل جەلەك وتىرعىزۋ جوسپارلانۋدا.

قالا كاسىپورىندارىنىڭ، ميب (پيك)، شاعىن جانە ورتا بيزنەس سۋبەكتىلەرىنىڭ (بازارلار، ساۋدا ويىن-ساۋىق ورتالىقتارى جانە باسقالار)، وقۋ ورىندارىنىڭ، ەرىكتىلەر مەن بارلىق بەي-جاي قارامايتىن ازاماتتاردى ەكولوگيالىق ايلىققا قاتىسۋعا شاقىرامىز.

ەلوردا تۇرعىندارى مەن قوناقتارىن ورامىشىلىك (ءۇي ماڭىنداعى) اۋماقتاردى تازالاۋعا شاقىرامىز.

مەملەكەت باسشىسى ءوز ۇندەۋىندە كوشەلەردى تازارتۋ، ەلدىمەكەندەردىڭ اۋماقتارىن كوگالداندىرۋ جانە اباتتاندىرۋ، سونداي-اق جولداردى رەتكە كەلتىرۋ جونىندەگى ناۋقاندى جۇرگىزۋدىڭ ماڭىزدىلىعىن اتاپ ءوتتى.