13 sáýir men 11 mamyr aralyǵynda elordada "Taza Qazaqstan. Astana - tazalyq pen tártiptiń úlgisi" ailyǵy ótedi. Árbir turǵyn elordada tazalyq pen tártipti qamtamasyz etýge óz úlesin qosa alady, dep habarlaidy elorda ákimdiginiń resmi saity.
Ekologiialyq ailyq sheńberinde qalany, nóser jáne aryq káriz jelilerin sanitarlyq tazartý, kóshelerdi, trotýarlar men oramishilik aýmaqtardy tazalaý, saiabaqtar men skverlerdegi jasyl jelekterdi kútý boiynsha maýsymdyq agrotehnikalyq jumystar, saýda nysandaryna irgeles aýmaqtardy jinaý, kógaldar men gúlzarlardy ornatý jónindegi is-sharalar, ruqsat etilmegen qoqystardy joiý júrgiziledi.
Sondai-aq aktsiia aiasynda 270 myńnan astam jasyl jelek otyrǵyzý josparlanýda.
Qala kásiporyndarynyń, MIB (PIK), shaǵyn jáne orta biznes sýbektileriniń (bazarlar, saýda oiyn-saýyq ortalyqtary jáne basqalar), oqý oryndarynyń, eriktiler men barlyq bei-jai qaramaityn azamattardy ekologiialyq ailyqqa qatysýǵa shaqyramyz.
Elorda turǵyndary men qonaqtaryn oramishilik (úi mańyndaǵy) aýmaqtardy tazalaýǵa shaqyramyz.
Memleket basshysy óz úndeýinde kóshelerdi tazartý, eldimekenderdiń aýmaqtaryn kógaldandyrý jáne abattandyrý, sondai-aq joldardy retke keltirý jónindegi naýqandy júrgizýdiń mańyzdylyǵyn atap ótti.
