استانادا كەمەلەتكە تولماعاندار اراسىندا ٶمٸرٸنە قاۋٸپتٸ ەرەكەتتەردٸڭ الدىن الۋ جەنە بولدىرماۋ باعىتىندا جٷيەلٸ جۇمىس جٷرگٸزٸلۋدە. مونيتورينگتٸ قالالىق پسيحيكالىق دەنساۋلىق ورتالىعى مەديتسينالىق ۇيىمدارمەن بٸرلەسە جٷزەگە اسىرىپ وتىر, دەپ حابارلايدى Dalanews.kz قالالىق قوعامدىق دەنساۋلىق ساقتاۋ باسقارماسىنا سٸلتەمە جاساپ.
تالداۋ كٶرسەتكەندەي, مۇنداي جاعدايلار كٶبٸنەسە وتباسىنداعى نەمەسە دوستار اراسىنداعى جانجالدارعا بايلانىستى بولادى. قالالىق پسيحيكالىق دەنساۋلىق ورتالىعى ديرەكتورىنىڭ ورىنباسارى ەلەنا پوليەنكونىڭ ايتۋىنشا, مۇنداي ەرەكەتتەر اتا-انانىڭ نە مۇعالٸمدەردٸڭ نازارىن اۋدارتۋعا نەمەسە قارسىلىق بٸلدٸرۋگە تىرىسۋدان تۋىندايدى.
قوعامدىق دەنساۋلىق ساقتاۋ باسقارماسىنىڭ باسشىسى ەلييا رٷستەموۆا استانادا مۇنداي وقيعالاردىڭ الدىن الۋ شارالارى كٷشەيتٸلٸپ, پروفيلاكتيكاعا قاتىستى تەسٸلدەردٸڭ تٷزەتٸلگەنٸن اتاپ ٶتتٸ.
جاستاردىڭ 10-نان 29 جاسقا دەيٸنگٸ پسيحيكالىق ساۋلىعىن قورعاۋ ٷشٸن ەلوردادا 11 جاستار ورتالىعى جۇمىس ٸستەيدٸ. ولار ەمحانالار بازاسىندا («№2 قالالىق ەمحانا», «№3 قالالىق ەمحانا», «№4 قالالىق ەمحانا», «№5 قالالىق ەمحانا», «№6 قالالىق ەمحانا», «№8 قالالىق ەمحانا», «№9 قالالىق ەمحانا», «العاشقى مەديتسينالىق-سانيتارييالىق كٶمەك ورتالىعى», «Astana Clinic» جشس, «سالاۋاتتى استانا» جشس, «City» ەمحاناسى جشس) اشىلعان. مۇندا 82 پسيحولوگ كٶمەك كٶرسەتەدٸ.
سونىمەن قاتار, جەدەل قولداۋدى قالالىق پسيحيكالىق دەنساۋلىق ورتالىعىنىڭ ماماندارى پسيحياترييالىق بٶلٸمشەدەگٸ كابينەتتەردە جەنە تەۋلٸك بويى جۇمىس ٸستەيتٸن سەنٸم تەلەفونى ارقىلى (54-76-03) كٶرسەتەدٸ.
استاناداعى پروفيلاكتيكالىق جۇمىس مەكتەپتەردەن باستاپ ەمحانالار مەن ارنايى ورتالىقتارعا دەيٸنگٸ بارلىق دەڭگەيدٸ قامتيدى. نەگٸزگٸ ماقسات – تەۋەكەل توبىنا جاتاتىن بالالار مەن جاستاردى دەر كەزٸندە انىقتاپ, ولاردى كەشەندٸ قولداۋمەن قامتاماسىز ەتۋ.
