ءوز پاتەرلەرىن 500-دەن استام ادام كۇتۋدە. اكىم نىسانعا سوڭعى كەلگەن ساتتەن بەرى وبەكت قۇرىلىسى بەكىتىلىپ، ءۇي ساراپتامادان ءوتتى.
قۇرىلىس سالۋشىنىڭ ءسوزى بويىنشا، ءۇيدى ارلەۋ بويىنشا ىشكى جۇمىستار كوكتەمدە باستالادى. سونىمەن قاتار ينجەنەرلىك جەلىلەر جۇرگىزىلەدى.
قالا اكىمى ا. كولگىنوۆ تك قۇرىلىسىنىڭ بارىسى ۇنەمى قاداعالاۋدا بولاتىنىن اتاپ ءوتتى.
"ەڭ باستىسى، مەردىگەر انىقتالدى. مەملەكەت اقشا ءبولدى. تك قۇرىلىسىن "ەلوردا قۇرىلىس كومپانياسى قاتىسۋىمەن "نۇرلى جەر" باعدارلاماسى اياسىندا اياقتايتىن بولامىز. سۋىق تۇسكەنگە دەيىن ءبىرىنشى كەزەكتە ءۇيدىڭ شاتىرى بويىنشا جۇمىستاردى اياقتاۋ كەرەك. قولدارىڭىزدا ءۇيدى ەلەكتر ەنەرگياسىنا، سۋمەن جابدىقتاۋعا جانە سۋ بۇرۋعا قوسۋ قۇجاتتارى، سونداي - اق اۋماقتى اباتتاندىرۋ جوباسى بولۋى ءتيىس"، - دەدى ا. كۇلگىنوۆ.
قالادا بارلىعى 51 اياقتالماعان وبەكت بار (76 ءۇي). جىل سوڭىنا دەيىن 10 تۇرعىن ءۇي كەشەنى پايدالانۋعا بەرىلەدى.
