بۇرىنعى دەنساۋلىق ساقتاۋ ۆيتسە-مينيسترٸ ولجاس ەبٸشەۆ 2020 جىلى تەرگەۋ اياسىندا تٸنتۋ كەزٸندە كٶلٸگٸ مەن قولما-قول اقشاسى زاڭسىز تەركٸلەنگەنٸن مەلٸمدەدٸ. ونىڭ ايتۋىنشا, افم قىزمەتكەرلەرٸ مٷلكٸن قايتارۋدان باس تارتىپ وتىر, - دەپ حابارلايدى Dalanews.kz.
بۇرىنعى شەنەۋنٸك زاڭ بۇزىلدى دەگەن پٸكٸردە.
"2020 جىلى تامىزدا تەرگەۋ بارىسىندا افم (قارجى مونيتورينگ اگەنتتٸگٸ - ەسك.) قىزمەتكەرلەرٸ مەنٸڭ كٶلٸگٸمدٸ تەركٸلەدٸ جەنە پروتسەدۋرالىق نورمالاردى بۇزىپ, ٷيٸمنەن اقشا الدى. ەندٸ سوت شەشٸمٸ مەنٸڭ مٷلكٸم تەركٸلەنبەيتٸنٸن كٶرسەتٸپ وتىر. سوندىقتان تەركٸلەۋ تۋرالى شەشٸم بولماسا, مٷلٸك قايتارىلۋى كەرەك: كٶلٸك, كٸلتتەر مەن اقشا", - دەدٸ ەبٸشەۆ Press.kz باسىلىمىنا.
ونىڭ سٶزٸنشە, قارجى مونيتورينگ اگەنتتٸگٸ قىزمەتكەرلەرٸ كٶلٸكتٸڭ كٸلتٸن جەنە اقشانى تابا الماي وتىر.
"ولار كٸنەلٸلەردٸ تابا الماي وتىر, سونىمەن قاتار, مٷلٸك تەركٸلەنبەيتٸنٸنە قاراماستان, بۇل زاڭ بۇزۋ بولسا دا, ولاردى قايتارۋدان باس تارتىپ وتىر. وسى دەرەكتٸڭ بارلىعى پروكۋراتۋراعا بەرٸلدٸ. پروكۋرورلار شارا قولدانادى دەپ كٷتتٸم, بٸراق بۇلاي تەز ەمەس. پروكۋراتۋرا افم (قارجى مونيتورينگ اگەنتتٸگٸ - ەسك.) قىزمەتكەرلەرٸنە قاتىستى "جىمقىرۋ" بابى بويىنشا قىلمىستىق ٸس قوزعادى", - دەدٸ ول.
ەبٸشەۆتٸڭ ايتۋىنشا, اگەنتتٸك كٸنەلٸ ادامداردى تاپپاعانىن مەلٸمدەگەن. دەگەنمەن ول بۇل جاۋاپقا كٷمەندانادى.
"ەندٸ سىبايلاس جەمقورلىققا قارسى قىزمەت قىلمىستىق ٸس تٸركەلدٸ مە جەنە قانداي جاعدايدا كٸم جاساعانىن, كٸم كٸنەلٸ ەكەنٸن انىقتاپ جاتىر. ولار جاۋاپكەرشٸلٸككە تارتىلا ما ەكەن, كٶرەيٸك", - دەدٸ ول.
2022 جىلى قازاندا بٸرٸنشٸ ساتىداعى سوت ەلجان بٸرتانوۆ پەن ولجاس ەبٸشەۆتٸ لاۋازىمدىق ٶكٸلەتتٸگٸن اسىرا پايدالانعانى ٷشٸن كٸنەلٸ دەپ تانىدى. بٸرتانوۆقا 5 جىل مەرزٸمگە باس بوستاندىعىن شەكتەۋ تٷرٸندەگٸ جازا, ەبٸشەۆكە 4 جىل مەرزٸمگە باس بوستاندىعىن شەكتەۋ تٷرٸندەگٸ جازا تاعايىندالدى.
سوتتالعانداردىڭ ەكەۋٸنە دە مەملەكەتتٸك قىزمەتتە قىزمەت اتقارۋعا ٶمٸر بويى تىيىم سالىندى. سونىمەن قاتار, ەبٸشەۆ پەن بٸرتانوۆتان دەنساۋلىق ساقتاۋ مينيسترلٸگٸنٸڭ پايداسىنا 1,3 ميلليارد تەڭگە ٶندٸرۋدٸ تالاپ ەتتٸ.
