Burynǵy densaýlyq saqtaý vitse-ministri Oljas Ábishev 2020 jyly tergeý aiasynda tintý kezinde kóligi men qolma-qol aqshasy zańsyz tárkilengenin málimdedi. Onyń aitýynsha, AFM qyzmetkerleri múlkin qaitarýdan bas tartyp otyr, - dep habarlaidy Dalanews.kz.
Burynǵy sheneýnik zań buzyldy degen pikirde.
"2020 jyly tamyzda tergeý barysynda AFM (Qarjy monitoring agenttigi - esk.) qyzmetkerleri meniń kóligimdi tárkiledi jáne protsedýralyq normalardy buzyp, úiimnen aqsha aldy. Endi sot sheshimi meniń múlkim tárkilenbeitinin kórsetip otyr. Sondyqtan tárkileý týraly sheshim bolmasa, múlik qaitarylýy kerek: kólik, kiltter men aqsha", - dedi Ábishev Press.kz basylymyna.
Onyń sózinshe, Qarjy monitoring agenttigi qyzmetkerleri kóliktiń kiltin jáne aqshany taba almai otyr.
"Olar kinálilerdi taba almai otyr, sonymen qatar, múlik tárkilenbeitinine qaramastan, bul zań buzý bolsa da, olardy qaitarýdan bas tartyp otyr. Osy derektiń barlyǵy prokýratýraǵa berildi. Prokýrorlar shara qoldanady dep kúttim, biraq bulai tez emes. Prokýratýra AFM (Qarjy monitoring agenttigi - esk.) qyzmetkerlerine qatysty "jymqyrý" baby boiynsha qylmystyq is qozǵady", - dedi ol.
Ábishevtiń aitýynsha, agenttik kináli adamdardy tappaǵanyn málimdegen. Degenmen ol bul jaýapqa kúmándanady.
"Endi sybailas jemqorlyqqa qarsy qyzmet qylmystyq is tirkeldi me jáne qandai jaǵdaida kim jasaǵanyn, kim kináli ekenin anyqtap jatyr. Olar jaýapkershilikke tartyla ma eken, kóreiik", - dedi ol.
2022 jyly qazanda birinshi satydaǵy sot Eljan Birtanov pen Oljas Ábishevti laýazymdyq ókilettigin asyra paidalanǵany úshin kináli dep tanydy. Birtanovqa 5 jyl merzimge bas bostandyǵyn shekteý túrindegi jaza, Ábishevke 4 jyl merzimge bas bostandyǵyn shekteý túrindegi jaza taǵaiyndaldy.
Sottalǵandardyń ekeýine de memlekettik qyzmette qyzmet atqarýǵa ómir boiy tyiym salyndy. Sonymen qatar, Ábishev pen Birtanovtan Densaýlyq saqtaý ministrliginiń paidasyna 1,3 milliard teńge óndirýdi talap etti.
