قازاقستاندىق تەننيسشٸ ەلەنا رىباكينا مانسابىندا العاش رەت اقش اشىق چەمپيوناتىنىڭ جەڭٸمپازى اتاندى. ول نيۋ-يوركتە ٶتكەن US Open فينالىندا بەلارۋس ٶكٸلٸ ارينا سوبولەنكونى جەڭدٸ, دەپ حابارلايدى dalanews.kz.
فينالدىق كەزدەسۋدە رىباكينا قارسىلاسىن 6:4, 5:7, 6:2 ەسەبٸمەن ۇتتى. تەننيسشٸلەر كورتتا 2 ساعات 23 مينۋت ويىن كٶرسەتتٸ.
ماتچ بارىسىندا قازاقستاندىق سپورتشى 12 ەيس جاساپ, بەس رەت قوسارلانعان قاتەلٸك جٸبەردٸ. سونداي-اق 12 برەيك-پوينتتىڭ ٷشەۋٸن سەتتٸ پايدالاندى.
وسىلايشا, ەلەنا رىباكينا مانسابىنداعى ٷشٸنشٸ «ٷلكەن دۋلىعا» جٷلدەسٸن يەلەندٸ. قازاقستاندىق تەننيسشٸنٸڭ بۇعان دەيٸنگٸ ٸرٸ جەڭٸستەرٸ 2022 جىلعى ۋيمبلدون جەنە 2026 جىلعى Australian Open تۋرنيرلەرٸندە تٸركەلگەن.
رىباكينا ٷشٸن 2026 جىل ەرەكشە تابىستى ٶتٸپ جاتىر. ماۋسىم باسىندا ول Australian Open تۋرنيرٸندە چەمپيون اتانسا, ەندٸ اقش اشىق چەمپيوناتىندا دا توپ جاردى.
سونىمەن قاتار بۇل جەڭٸس قازاقستاندىق تەننيسشٸگە ەلەمدٸك رەيتينگتە تاريحي نەتيجەگە قول جەتكٸزۋگە مٷمكٸندٸك بەردٸ. ەلەنا رىباكينا دٷيسەنبٸ كٷنٸ WTA رەيتينگٸندە العاش رەت ەلەمنٸڭ بٸرٸنشٸ راكەتكاسى اتانادى. بۇل – قازاقستان تەننيسٸ تاريحىنداعى تۇڭعىش كٶرسەتكٸش.
ارينا سوبولەنكو ٷشٸن دە بۇل فينال ەرەكشە بولدى. بەلارۋس تەننيسشٸسٸ US Open-نٸڭ بىلتىرعى چەمپيونى ەدٸ. الايدا بيىلعى شەشۋشٸ كەزدەسۋدە رىباكينا باسىم تٷستٸ.
وسى جەڭٸستەن كەيٸن رىباكينانىڭ سوبولەنكوعا قارسى WTA تۋرنيرلەرٸندەگٸ فينالدىق كەزدەسۋلەردەگٸ جالپى ەسەبٸ 5:2 بولدى.
ەلەنا رىباكينانىڭ «ٷلكەن دۋلىعا» تۋرنيرلەرٸندەگٸ جەڭٸستەرٸ:
- ۋيمبلدون – 2022;
- Australian Open – 2026;
- US Open – 2026.
